ഇന്ത്യയുടെ വൈശാലിക്ക് കൈകൊടുക്കാതെ ഉസ്‌ബെക്ക് ചെസ് താരം; മറ്റ് സ്ത്രീകളെ തൊടാത്തത് മതപരമായ കാരണങ്ങളാലെന്ന് താരം| Uzbek Grand Master Nodirbek Yakubboev Declines Hand-Shake With R Vaishali Due To Religious Reasons

ഇരുവരും തമ്മിലുള്ള നാലാം റൗണ്ട് മത്സരത്തിന് മുന്നോടിയായാണ് ചെസ് ബോര്‍ഡിനടുത്തേക്കെത്തിയ യാകുബൊയേവിന് കൈകൊടുക്കാനായി വൈശാലി കൈ നീട്ടിയത്. എന്നാല്‍ താരം ഇത് ശ്രദ്ധിക്കാത്ത പോലെ പെരുമാറുകയായിരുന്നു. അതേസമയം മത്സരത്തില്‍ യാകുബൊയേവ് തോറ്റു. ഇതിനുശേഷം യാകുബൊയേവിന് ഹസ്തദാനം നല്‍കാന്‍ വൈശാലി ശ്രമിച്ചതുമില്ല.

“വൈശാലിയുമായുള്ള കളിയിൽ സംഭവിച്ച സാഹചര്യം ഞാൻ വിശദീകരിക്കാൻ ആഗ്രഹിക്കുന്നു. സ്ത്രീകളോടും ഇന്ത്യൻ ചെസ് കളിക്കാരോടും ഉള്ള എല്ലാ ബഹുമാനത്തോടെയും പറയട്ടെ, മതപരമായ കാരണങ്ങളാൽ ഞാൻ മറ്റ് സ്ത്രീകളെ തൊടില്ലെന്ന് എല്ലാവരേയും അറിയിക്കാൻ ഞാൻ ആഗ്രഹിക്കുന്നു,” മുസ്ലിം മതവിശ്വാസിയായ യാകുബൊയേവ് കുറിച്ചു.

23കാരനായ യാകുബൊയേവ് 2019ലാണ് ഗ്രാൻഡ് മാസ്റ്ററായത്. ചലഞ്ചേഴ്സ് സെക്ഷനിൽ എട്ടു റൗണ്ടുകൾ പിന്നിട്ടപ്പോള്‍ മൂന്ന് പോയിന്റുകളാണ് താരത്തിനുള്ളത്. അഞ്ച് റൗണ്ടുകൾ കൂടി ബാക്കിയുള്ളപ്പോൾ വൈശാലിക്ക് 4 പോയിന്റുകളാണുള്ളത്.

Summary: Uzbek Grandmaster Nodirbek Yakubboev’s refusal to shake hands with Indian GM R Vaishali stirred up a controversy at the Tata Steel Chess Tournament before the Uzbek apologised, saying that he meant no disrespect and didn’t respond to the gesture because of “religious reasons”.