വന്ദേഭാരത് ട്രെയിനില്‍ ബിജെപി എംഎല്‍എയുമായി സീറ്റ് മാറാന്‍ വിസമ്മതിച്ച യാത്രക്കാരന് മര്‍ദനം; വൈറല്‍ വീഡിയോ | Vande Bharat passenger assaulted after refusing seat exchange with BJP MLA

കംപാര്‍ട്ട്‌മെന്റിന്റെ ഓട്ടോമേറ്റഡ് വാതിലിനടുത്ത് ഇരിക്കുകയായിരുന്ന ഒരാളെ ആളുകള്‍ കൂട്ടംകൂടി ആക്രമിക്കുന്ന വീഡിയോ സോഷ്യല്‍ മീഡിയയില്‍ വ്യാപകമായി പ്രചരിച്ചിരുന്നു. പിന്നീട് രാജീവ് സിംഗ് യാത്രക്കാരനെതിരേ നോണ്‍ കോഗ്നിസബിള്‍ റിപ്പോര്‍ട്ട്(എന്‍സിആര്‍) ഫയല്‍ ചെയ്തു. ഭാര്യയോടും മകനോടുമൊപ്പം യാത്ര ചെയ്യുന്നതിനിടെ ഒരു സഹയാത്രികന്‍ അപമര്യാദയായി പെരുമാറിയെന്ന് സിംഗ് പരാതിയില്‍ ആരോപിച്ചു. എതിര്‍ത്തപ്പോള്‍ അയാള്‍ തന്റെ കുടുംബത്തോട് മോശമായി പെരുമാറിയെന്നും പിന്നീട് ഝാന്‍സി സ്റ്റേഷനിലേക്ക് മറ്റുള്ളവരെ വിളിച്ചുവരുത്തിയെന്നും അവരും തന്നോട് മോശമായി പെരുമാറിയെന്നും സിംഗ് ആരോപിച്ചു.

സിംഗും അദ്ദേഹത്തിന്റെ അനുയായികളും ആവശ്യപ്പെട്ടിട്ടും യാത്രക്കാരന്‍ സീറ്റ് ഒഴിഞ്ഞുകൊടുക്കാന്‍ വിസമ്മതിച്ചതോടെയാണ് സംഘര്‍ഷം തുടങ്ങിയതെന്ന് പ്രാഥമിക റിപ്പോര്‍ട്ടില്‍ പറയുന്നു. ഈ യാത്രക്കാരൻ പിന്നീട് ട്രെയിനിന് പുറത്തുവെച്ചും ആക്രമിക്കപ്പെട്ടു. അക്രമികള്‍ക്ക് എംഎല്‍എയുമായി ബന്ധമുണ്ടെന്നും കരുതുന്നു.

സീറ്റ്മാറുന്നതിനെച്ചൊല്ലിയും അപമര്യാദയോടെയുള്ള ഇരിപ്പിനെച്ചൊല്ലിയുമാണ് തര്‍ക്കം ഉണ്ടായതെന്ന് റെയില്‍വെ പോലീസ് അറിയിച്ചു.