ബീഹാറിന് കോളടിച്ചു! 10,000 കോടി രൂപയുടെ പദ്ധതികള്‍ക്ക് നരേന്ദ്ര മോദി തുടക്കമിടുന്നു | Bihar gets fillip Rs 10K Crore projects in the pipeline
ബീഹാറിലെ പാടലീപുത്രയെ ഉത്തര്‍പ്രദേശിലെ ഗോരഖ്പൂരുമായി ബന്ധിപ്പിക്കുന്ന വന്ദേ ഭാരത് എക്‌സ്പ്രസ് ട്രെയിനിന്റെ ഉദ്ഘാടനം ഉള്‍പ്പെടെ 10,000 കോടിയിലധികം രൂപയുടെ പദ്ധതികള്‍ പ്രധാനമന്ത്രി ഉദ്ഘാടനം ചെയ്യുമെന്ന് പ്രതീക്ഷിക്കുന്നു.
പ്രദേശത്തിന്റെ രാഷ്ട്രീയ ചരിത്രം പരിശോധിക്കുമ്പോള്‍ മോദിയുടെ സന്ദര്‍ശനം നിര്‍ണായക പ്രാധാന്യം അര്‍ഹിക്കുന്ന ഒന്നാണ്. ഒരു കാലത്ത് ആര്‍ജെഡിയുടെ ശക്തനായ നേതാവ് മുഹമ്മദ് ഷഹാബുദ്ധീനിന്റെ ശക്തികേന്ദ്രമായിരുന്നു സിവാന്‍. എട്ട് മേഖലകളായി ബീഹാറിനെ തിരിച്ചാണ് തെരഞ്ഞെടുപ്പ് പ്രചാരണം. അതിനാല്‍ സംസ്ഥാനത്തെ എന്‍ഡിഎയുടെ പ്രചാരണ പരിപാടികളില്‍ പ്രധാനമന്ത്രി നരേന്ദ്ര മോദി പ്രധാന പങ്കുവഹിക്കുമെന്ന് ബിജെപി വൃത്തങ്ങള്‍ അറിയിച്ചു.
എന്നിരുന്നാലും മോദിയുടെ ബീഹാര്‍ സന്ദര്‍ശനം തിരഞ്ഞെടുപ്പ് രാഷ്ട്രീയത്തിനുമപ്പുറം പ്രാധാന്യമുള്ളതാണ്. ഒരു കാലത്ത് ‘രോഗി’ എന്ന് മുദ്രകുത്തപ്പെട്ട സംസ്ഥാനമായിരുന്നു ബീഹാര്‍. സംസ്ഥാനത്തെ പരിവര്‍ത്തനം ചെയ്യാന്‍ ലക്ഷ്യമിട്ടുള്ള വിവിധ വികസന, ക്ഷേമ സംരംഭങ്ങള്‍ ഓരോ യാത്രയിലും മോദി അവതരിപ്പിച്ചു.
* ബെട്ടിയ വൈദ്യുതി വിതരണ പദ്ധതി – 69 കോടി രൂപ
* ഛപ്ര ജലവിതരണ പദ്ധതി – 19 കോടി രൂപ
* ബക്‌സര്‍ ജലവിതരണ പദ്ധതി – 156 കോടി രൂപ
* മോത്തിഹാരി മലിനജല മാനേജ്‌മെന്റ് പ്രോജക്ട് – 400 കോടി രൂപ
* ബക്‌സര്‍ മലിനജല മാനേജ്‌മെന്റ് പ്രോജക്ട് – 256 കോടി രൂപ
* സസാരം മലിനജല ശൃംഖലയും സംസ്‌കരണ പ്ലാന്റും – 456 കോടി രൂപ
* സിവാന്‍ മലിനജല ശൃംഖലയും സംസ്‌കരണ പ്ലാന്റും – 367 കോടി രൂപ
* അരാ ജലവിതരണ പദ്ധതി – 138 കോടി രൂപ
* സിവാന്‍ ജലവിതരണ പദ്ധതി – 113 കോടി രൂപ
* സസാരം ജലവിതരണ പദ്ധതി – 77 കോടി രൂപ
* ബെഗുസാരായി ജലവിതരണ പദ്ധതി – 133 കോടി രൂപ
* മോത്തിഹാരി ഐ&ഡി, എസ്‍ടിപി പദ്ധതി – 149 കോടി രൂപ
* കസ്ബൗള്‍ ഐ&ഡി, എസ്‍ടിപി പദ്ധതി – 79 കോടി രൂപ
* ബക്‌സര്‍ ഐ&ഡി, എസ്‍ടിപി പദ്ധതി – 257 കോടി രൂപ
* അരാ ഐ&ഡി, എസ്‍ടിപി പദ്ധതി – 328 കോടി രൂപ
തെരഞ്ഞെടുപ്പ് അടുത്തിരിക്കുകയാണെങ്കിലും എന്‍ഡിഎ സീറ്റ് വിഭജന കാര്യത്തില്‍ അന്തിമതീരുമാനമായിട്ടില്ല. ബിജെപിയും ജെഡിയുവും തുല്യ സീറ്റുകളില്‍ മത്സരിക്കുമെന്നാണ് ആദ്യ സൂചനകള്‍. ബീഹാറില്‍ എന്‍ഡിഎയുടെ മുഖ്യ തന്ത്രജ്ഞനായ കേന്ദ്ര ആഭ്യന്തര മന്ത്രി അമിത് ഷാ അടുത്തിടെ ബീഹാര്‍ സന്ദര്‍ശിക്കാന്‍ തീരുമാനിച്ചിരുന്നുവെങ്കിലും മറ്റ് പ്രതിബദ്ധതകള്‍ കാരണം അദ്ദേഹത്തിന്റെ സന്ദര്‍ശനം മാറ്റിവയ്‌ക്കേണ്ടി വന്നു. വരുന്ന രണ്ടാഴ്ചയ്ക്കുള്ളില്‍ അദ്ദേഹം ബീഹാറില്‍ പര്യടനം നടത്തുമെന്നാണ് പ്രതീക്ഷിക്കുന്നത്. വലിയ പൊതു റാലികള്‍ക്ക് പകരം സംസ്ഥാനത്ത് പാര്‍ട്ടി പ്രവര്‍ത്തകരുമായി താഴെത്തട്ടിലുള്ള യോഗങ്ങള്‍ അമിത് ഷാ നടത്താന്‍ സാധ്യതയുണ്ട്.
പ്രവര്‍ത്തകരില്‍ ആവേശം പകരുന്ന കാര്യത്തില്‍ ആഭ്യന്തര മന്ത്രിയെ പോലെ മറ്റൊരാളില്ലെന്ന് മുതിര്‍ന്ന ബിജെപി നേതാവ് പറഞ്ഞു. പാര്‍ട്ടിയുടെ ബൂത്ത് ലെവല്‍ പ്രവര്‍ത്തകരുമായുള്ള അദ്ദേഹത്തിന്റെ ബന്ധം സമാനതകളില്ലാത്തതാണ്. ബീഹാറില്‍ എന്‍ഡിഎയുടെ വിജയം രൂപപ്പെടുത്തുന്നതില്‍ അത് നിര്‍ണായക പങ്കുവഹിക്കുമെന്നും അദ്ദേഹം കൂട്ടിച്ചേര്‍ത്തു.
അതേസമയം, ഈ മാസം അവസാനത്തോടെ തിരഞ്ഞെടുപ്പ് കമ്മീഷനും ബീഹാര്‍ സന്ദര്‍ശിക്കുമെന്നാണ് പ്രതീക്ഷിക്കുന്നത്. നിരവധി ജില്ലകളിലെ വെള്ളപ്പൊക്കത്തിന്റെ ആഘാതം അടക്കം സംസ്ഥാനത്തെ താഴെത്തട്ടിലുള്ള അടിസ്ഥാന സ്ഥിതിഗതികള്‍ വിലയിരുത്താനായിരിക്കും തിരഞ്ഞെടുപ്പ് കമ്മീഷന്റെ സന്ദര്‍ശനം. സംസ്ഥാനത്ത് തിരഞ്ഞെടുപ്പ് രണ്ടോ മൂന്നോ ഘട്ടങ്ങളിലായി നടക്കാന്‍ സാധ്യതയുണ്ട്.
Thiruvananthapuram,Kerala
June 21, 2025 1:05 PM IST