ടോയിലറ്റിലിരുന്ന് കോടതിയുടെ ഓൺലൈൻ വാദത്തിൽ പങ്കെടുത്തയാൾക്ക് ഒരു ലക്ഷം പിഴ| Court fines man Rs 1 lakh for attending hearing from toilet

തിങ്കളാഴ്ച കോടതിയിൽ നേരിട്ട് ഹാജരായ സൂറത്ത് സ്വദേശിയോട് ജൂലൈ 22 ന് നടക്കുന്ന അടുത്ത വാദം കേൾക്കലിന് മുമ്പ് കോടതി രജിസ്ട്രിയിൽ ഒരു ലക്ഷം രൂപ കെട്ടിവയ്ക്കാൻ നിർദ്ദേശിച്ചിട്ടുണ്ട്.

അതേസമയം, ബിയർ ഗ്ലാസ് നുണഞ്ഞുകൊണ്ട് ഓൺലൈൻ വാദത്തിൽ പങ്കെടുത്ത മുതിർന്ന അഭിഭാഷകൻ ഭാസ്കർ ടന്നയ്ക്കെതിരായ കോടതിയലക്ഷ്യ ഹർജിയും കോടതി പരിഗണിച്ചു. സംഭവത്തില്‍ അഭിഭാഷകൻ നിരുപാധികം ക്ഷമാപണം നടത്തിയിരുന്നു. കോടതിയെ അനാദരിക്കാൻ ഉദ്ദേശിച്ചിരുന്നില്ലെന്ന് അഭിഭാഷകൻ കോടതിയെ അറിയിച്ചു. എന്നാൽ, ഉദ്ദേശ്യമില്ലായിരുന്നു എന്നതുകൊണ്ട് ഒരു അവഹേളന പ്രവൃത്തി അല്ലാതാകുമോ എന്ന് ഡിവിഷൻ ബെഞ്ച് ചോദിച്ചു.

അതേസമയം, ടന്നയുടെ കേസ് പരാമർശിക്കുമ്പോൾ, ജൂൺ 26 ന് ജസ്റ്റിസ് സന്ദീപ് ഭട്ട് നടപടിക്രമങ്ങൾക്കിടെ ഫോണിൽ സംസാരിച്ചും ബിയർ നുണഞ്ഞും 26 മിനിറ്റ് വെർച്വൽ നടപടിക്രമങ്ങളിൽ പങ്കെടുത്തുവെന്ന് കോടതി രജിസ്ട്രി റിപ്പോർട്ടുണ്ടെന്ന് ബെഞ്ച് ചൂണ്ടിക്കാട്ടി.

തന്റെ പ്രവൃത്തിയെ ന്യായീകരിക്കുന്നില്ലെന്നും അത് തെറ്റായിരുന്നുവെന്നും നിരുപാധികം ക്ഷമ ചോദിച്ചുകൊണ്ട് മുതിർന്ന അഭിഭാഷകൻ ഭാസ്കർ ടന്ന കോടതിയെ അറിയിച്ചു.