അതേ ഒറ്റപ്പാലത്തിന് കൊമ്പുണ്ട്! നാല് ദേശീയ സുരക്ഷാ ഉപദേഷ്ടാക്കളിൽ മൂന്നുപേരുടെയും നാട്, ഉന്നതസ്ഥാനങ്ങൾ അലങ്കരിച്ചവരുടെ മണ്ണ്| What makes ottappalam in Palakkad special

നദിയിലെ വെള്ളത്തിന് എന്തെങ്കിലും പ്രത്യേക ഉണ്ടായിരിക്കാം. കാരണം, മുൻ ദേശീയ സുരക്ഷാ ഉപദേഷ്ടാക്കളിൽ നാല് പേരിൽ മൂന്ന് പേർക്കും പാലക്കാടിനു ഒരു മണിക്കൂർ അകലെ ഭാരതപ്പുഴയുടെ തീരത്തുള്ള ഒരു പട്ടണവുമായി ബന്ധമുണ്ട്. നാരായണനും ശിവശങ്കര്‍ മേനോനും മുൻ എൻ‌എസ്‌എ ജെ‌എൻ ദീക്ഷിതിന്റെ അമ്മയെപ്പോലെ ഒറ്റപ്പാലത്തുനിന്നുള്ളവരാണ്. ഇത് ദേശീയ സുരക്ഷാ ഏജൻസികളുടെ മാത്രം കാര്യമല്ല. ഒറ്റപ്പാലത്തിന് രസകരമായ ഒരു പാരമ്പര്യമുണ്ട്. നയതന്ത്രജ്ഞരുടെയും സുരക്ഷാ ഉദ്യോഗസ്ഥരുടെയും ഒരു നീണ്ട നിര ഇവിടത്തെ കുടുംബങ്ങളിൽ നിന്ന് നിരന്തരം ഉയർന്നുവന്നിട്ടുണ്ട്. അവർ വളരെ പ്രധാനപ്പെട്ട സർക്കാർ സ്ഥാനങ്ങൾ വഹിക്കുന്നുമുണ്ട്.

30 ചതുരശ്ര കിലോമീറ്റർ വിസ്തൃതിയുള്ള ഒറ്റപ്പാലം ഇന്ത്യയുടെ വിദേശനയത്തെയും ആഭ്യന്തര സുരക്ഷയെയും രൂപപ്പെടുത്തുന്നതിൽ പങ്കുവഹിച്ച കുറഞ്ഞത് പതിമൂന്ന് പ്രമുഖരെയെങ്കിലും സൃഷ്ടിച്ചിട്ടുണ്ടെന്ന് കാണാം. പാലക്കാടും മലബാറും ചുറ്റളവായി നോക്കിയാൽ ഈ എണ്ണം ഇനിയും വർധിക്കും. ല്യൂട്ടൻസ് ‌‍ഡൽഹിയിലെ പതിവ് തമാശ ഇന്ത്യൻ സർക്കാരിൻ ‘മോനോൻ മയം’ ഉണ്ടെന്നതിൽ അതിശയിക്കാനില്ല എന്നതാണ്.

പാലക്കാട് ജില്ലയിൽ ഭാരതപ്പുഴയുടെ തീരത്ത് സ്ഥിതി ചെയ്യുന്ന പട്ടണമാണ് ഒറ്റപ്പാലം. സമ്പന്നമായ സാംസ്കാരിക പാരമ്പര്യമുള്ള ഒറ്റപ്പാലം ഒരുപാട് ചരിത്ര സംഭവങ്ങൾക്ക് സാക്ഷ്യം വഹിച്ചിട്ടുണ്ട്. പണ്ട് മദ്രാസ് സംസ്ഥാനത്തിൽപ്പെട്ട മലബാർ ജില്ലയിലെ വള്ളുവനാട് താലൂക്കിൽ ഉൾപ്പെട്ടിരുന്നു ഈ പ്രദേശം. പിന്നീട് 1969 ൽ വള്ളുവനാട് താലൂക്ക് വിഭജിച്ച് ഈ പട്ടണം ആസ്ഥാനമായി ഒറ്റപ്പാലം താലൂക്ക് രൂപീകരിക്കുകയായിരുന്നു. ഒറ്റപ്പാലം എന്ന് അറിയപ്പെടുന്ന പ്രദേശം മുൻപ് അരിയൂർ തെക്കുമ്മുറി ദേശം എന്നാണു അറിയപ്പെട്ടിരുന്നത്. ഇന്നത്തെ ഒറ്റപ്പാലം, പട്ടാമ്പി, ചെർ‌പ്പുളശ്ശേരി പ്രദേശങ്ങൾ പ്രാചീന നെടുങ്ങനാടിൻ്റെ ഭാഗമായിരുന്നു.

ഒറ്റപ്പാലം എന്ന പേരിന്നു കാരണം ഇവിടത്തെ കച്ചേരി വളപ്പിൽ ഒറ്റക്കു നിൽക്കുന്ന ഒരു പാല മരമാണ് എന്നും പാല നിന്നിടം ഒറ്റപ്പാല എന്നും അതിനപ്പുറം ഉള്ള ഗ്രാമം പാലയ്ക്കപ്പുറം അഥവാ പാലപ്പുറം എന്നറിയപ്പെട്ടു എന്നും ചില ആളുകൾ പറഞ്ഞുവരുന്നു.

മൂന്ന് വിദേശകാര്യ സെക്രട്ടറിമാർ, രണ്ട് റിസർച്ച് ആൻഡ് അനാലിസിസ് വിംഗ് (റോ) മേധാവികൾ, ഒരു ഇന്റലിജൻസ് ബ്യൂറോ (ഐബി) തലവൻ എന്നിവരുടെ വേരുകൾ ഒറ്റപ്പാലത്താണ്. വൈസ്രോയിയുടെ കൗൺസിലിന്റെ കാലത്തെ ഏക ഇന്ത്യക്കാരനായ സി ശങ്കരൻ നായർ, ഇന്ത്യയെ സംസ്ഥാനങ്ങളുടെ യൂണിയനായി ഒന്നിപ്പിക്കാൻ സഹായിച്ച വ്യക്തിയായ വി പി മേനോൻ എന്നിവരും അങ്ങനെ തന്നെ.

മുൻ പ്രസിഡന്റ് കെ ആർ നാരായണൻ പോലും പാർലമെന്റിൽ രണ്ട് പതിറ്റാണ്ടിലേറെ ഒറ്റപ്പാലത്തെ പ്രതിനിധീകരിച്ചു. ഒറ്റപ്പാലത്തിന്റെ നിരവധി കുട്ടികൾ നയതന്ത്രജ്ഞരും ഉയർന്ന ഉദ്യോഗസ്ഥരുമായി മാറിയിട്ടുണ്ട്, ഡിആർഡിഒ, ഇന്ദിരാഗാന്ധി സെന്റർ ഫോർ ആറ്റോമിക് റിസർച്ച് (ഐജിസിഎആർ) തുടങ്ങിയ സ്ഥാപനങ്ങളുടെ തലവന്മാരായും മാറിയിട്ടുണ്ട്.

ഒറ്റപ്പാലത്തിന്റെ ഒരു ‘മകൻ’ ആയി അറിയപ്പെടുന്ന ലെഫ്റ്റനന്റ് ജനറൽ കെ പി കാൻഡത്ത്, സൈന്യത്തിന്റെ ഗോവയുടെ വിമോചനത്തിൽ നിർണായക പങ്ക് വഹിച്ചു. മുൻ വിദേശകാര്യ സെക്രട്ടറി നിരുപമ റാവുവും മലബാറിൽ നിന്നുള്ളയാളാണ്, ഒറ്റപ്പാലത്ത് നിന്ന് വെറും രണ്ട് മണിക്കൂർ മാത്രം അകലെയുള്ള മലപ്പുറം സ്വദേശിയാണ്. ഇന്ത്യ ഒരു പോസ്റ്റ് കൊളോണിയൽ രാജ്യമായി മാറുമ്പോൾ ഇന്ത്യയുടെ വിദേശനയം രൂപപ്പെടുത്തുന്നതിൽ പങ്കാളികളായവരായിരുന്നു ഇവരെല്ലാം. അതോടൊപ്പം അതിന്റെ പ്രാദേശിക സമഗ്രത ഉറപ്പാക്കാൻ ആഭ്യന്തരമായി ഉയര്‍ന്ന കനലുകൾ കെടുത്തുകയും ചെയ്തു.

ഒറ്റപ്പാലത്തിന്റെ വന്യവും, മനോഹരവും, സമൃദ്ധവുമായ ഭൂപ്രകൃതി രഹസ്യങ്ങളുടെ ഒരു പ്രജനന കേന്ദ്രമായിരുന്നുവെന്ന് വിശ്വസിക്കാൻ പ്രലോഭിപ്പിക്കുന്നു. നിഴലുകളിൽ ആവേശകരമായ ജീവിതം നയിക്കുന്ന ഒരു സ്റ്റീരിയോടൈപ്പിക്കൽ രഹസ്യാന്വേഷകനേയോ നയതന്ത്രജ്ഞനെയോ സൃഷ്ടിക്കുന്നതിനുള്ള തികഞ്ഞ പരീക്ഷണശാലയാണ്. കേരളത്തിലൂടെ പാഞ്ഞുവരുന്ന, ഭാരതപ്പുഴ തീർച്ചയായും തന്ത്രങ്ങൾക്ക് വളക്കൂറുള്ള മണ്ണാണ്. എന്നാൽ രഹസ്യങ്ങൾ ഏറ്റവും വ്യക്തമായ സ്ഥലങ്ങളിൽ മറഞ്ഞിരിക്കുന്നു, ഒരുപക്ഷേ ഈ പട്ടണത്തിന്റെ നിഗൂഢമായ പൈതൃകത്തിന് കൂടുതൽ ലളിതമായ ഒരു വിശദീകരണം ഉണ്ടായിരിക്കാം.