കുഞ്ഞുകരുതലിന് ആദരം; ഓപ്പറേഷൻ സിന്ദൂറിനിടെ സൈനികർക്ക് ചായ എത്തിച്ച 10 വയസുകാരന്റെ പഠനച്ചെലവ് സൈന്യം ഏറ്റെടുക്കും| Indian Army to sponsor education of 10 year old Punjab boy who served tea to soldiers during Operation Sindoor

ഓപ്പറേഷൻ സിന്ദൂറിനിടെ പഞ്ചാബിലെ താരാ വാലി ഗ്രാമത്തിൽ പോസ്റ്റ് ചെയ്തിരുന്ന സൈനികർക്കാണ് ശ്രാവൺ സഹായവുമായി എത്തിയത്. പാക്ക് സേനയുമായി വെടിവയ്പ് നടക്കുമ്പോഴും ഇന്ത്യൻ സൈനികർക്കുള്ള പാനീയങ്ങളും ലഘുഭക്ഷണങ്ങളുമൊക്കെയായി ശ്രാവൺ അരികിലെത്തിയിരുന്നത് സൈനികരുടെ ഹൃദയം കവർന്നിരുന്നു. പാക് അതിർത്തിയിൽ നിന്ന് ഒരു കിലോമീറ്റർ മാത്രം അകലെയുള്ള ഗ്രാമത്തിലെ സർക്കാർ സ്കൂളിലെ നാലാം ക്ലാസ് വിദ്യാർത്ഥിയാണ് ശ്രാവൺ. ഫിറോസ്പുർ ജില്ലയിലെ മംദോട്ട് മേഖലയിലാണ് ഷാവന്റെ ഗ്രാമം.

വലുതാകുമ്പോൾ സൈനികനാകണമെന്നാണ് ശ്രാവന്റെ ആഗ്രഹം. ആരും ആവശ്യപ്പെടാതെയാണ് ശ്രാവൺ സൈനികർക്ക് സഹായമെത്തിച്ചതെന്നും മകനെക്കുറിച്ചോർത്ത് അഭിമാനമുണ്ടെന്നും ശ്രാവന്റെ പിതാവ് പറഞ്ഞു.