അമേരിക്കൻ മലയാളിയായി ആൾമാറാട്ടം നടത്തി വസ്തുവും പണം തട്ടിയെടുത്ത കേസില്‍ കോൺഗ്രസ് നേതാവിന്റെ സഹോദരൻ പിടിയില്‍| Congress leaders brother arrested in thiruvananthapuram Property fraud case
Last Updated:
വിദേശത്ത് താമസിക്കുന്ന വനിതയുടെ ഒന്നരക്കോടിയോളം രൂപ വില വരുന്ന വീടും സ്ഥലവുമാണ് പ്രതികൾ തട്ടിയെടുത്തത്. കേസില്‍ അറസ്റ്റിലായ മഹേഷിന്റെ ലൈസൻസ്ഡ് അക്കൗണ്ടിൽ നിന്നാണ് വ്യാജ ധനനിച്ഛയ ആധാരവും, വിലയാധാരവും ജനറേറ്റ് ചെയ്ത് തട്ടിപ്പ് നടത്തിയത്
വിദേശത്ത് താമസിക്കുന്ന വനിതയുടെ ഒന്നരക്കോടിയോളം രൂപ വില വരുന്ന വീടും സ്ഥലവുമാണ് പ്രതികൾ തട്ടിയെടുത്തത്. കേസില്‍ അറസ്റ്റിലായ മഹേഷിന്റെ ലൈസൻസ്ഡ് അക്കൗണ്ടിൽ നിന്നാണ് വ്യാജ ധനനിച്ഛയ ആധാരവും, വിലയാധാരവും ജനറേറ്റ് ചെയ്ത് തട്ടിപ്പ് നടത്തിയത്.
ശാസ്തമംഗലം ജവഹര്‍ നഗറില്‍ ഡോറ അസറിയ ക്രിപ്‌സിന്റെ ഉടമസ്ഥതയിലുളള ഒന്നര കോടി രൂപ വിലവരുന്ന ഭൂമിയും വീടുമാണ് പ്രതികള്‍ തട്ടിയെടുത്ത് വില്‍പ്പന നടത്തിയത്. പുനലൂര്‍ അടയമണ്‍ ചണ്ണപ്പേട്ട മണക്കാട് കോടാലിപച്ച ഓയില്‍ ഫാം പഴയ ഫാക്ടറിക്ക് സമീപം പുതുപറമ്പില്‍ വീട്ടില്‍ മെറിന്‍ ജേക്കബ്ബ്, വട്ടപ്പാറ മരുതൂര്‍ ചീനിവിള പാലയ്ക്കാട്ട് വീട്ടില്‍ വസന്ത എന്നിവര്‍ ചേര്‍ന്ന് വെണ്ടരായ അനന്തപുരി മണികണ്ഠന്റെ സഹായത്താല്‍ ഭൂമി തട്ടിയെടുത്ത് ചന്ദ്രസേനനു വിലയാധാരമായി നല്‍കിയെന്നാണ് കേസ്. ഭൂമി സംബന്ധമായ രേഖകള്‍ക്ക് വീട് സൂക്ഷിപ്പുകാരന്‍ സബ് റജിസ്ട്രാര്‍ ഓഫീസില്‍ എത്തിയപ്പോഴാണ് തട്ടിപ്പ് നടന്ന വിവരം അറിയുന്നത്.
എസിപി സ്റ്റുവെർട്ട് കീലറിന്റെ നേതൃത്വത്തിൽ സിഐ വിമൽ, എസ്ഐമാരായ വിപിൻ, ബാലസുബ്രഹ്മണ്യൻ,സൂരജ്, സിപിഒമാരായ ഉദയൻ, രഞ്ജിത്, ഷിനി, ഷംല, അരുൺ, അനൂപ്, സാജൻ, പത്മരാജ് എന്നിവരടങ്ങിയ സംഗമാണ് പ്രതിയെ പിടി കൂടിയത്.
Thiruvananthapuram [Trivandrum],Thiruvananthapuram,Kerala
July 22, 2025 2:50 PM IST
അമേരിക്കൻ മലയാളിയായി ആൾമാറാട്ടം നടത്തി വസ്തുവും പണം തട്ടിയെടുത്ത കേസില്‍ കോൺഗ്രസ് നേതാവിന്റെ സഹോദരൻ പിടിയില്‍