ഇനി മുതൽ ന്യൂറോ സർജൻമാർക്കും നട്ടെല്ലിലെ ശസ്ത്രക്രിയകൾ നടത്താം| neurosurgeons can also perform spine surgery
Last Updated:
നട്ടെല്ലിന്റെ വൈകല്യം, രോഗബാധ, അപകടം തുടങ്ങിയ പ്രശ്നങ്ങള്‍ക്കാണ് നട്ടെല്ലിലെ ശസ്ത്രക്രിയ പൊതുവെ അനിവാര്യമായി വരാറുള്ളത്
ന്യൂഡൽഹി: ഇനി മുതൽ നട്ടെല്ലിലെ ശസ്ത്രക്രിയകൾ നടത്താൻ ന്യൂറോളജി വിഭാഗങ്ങളിലെ സര്ജന്മാരും. നട്ടെല്ലിലെ കുഴപ്പങ്ങള്‍ പരിഹരിക്കുന്നതിനുള്ള ശസ്ത്രക്രിയ ചെയ്യുന്നതിന് ന്യൂറോളജി വിഭാഗങ്ങളിലെ സര്‍ജന്‍മാര്‍ക്കും യോഗ്യത ഉണ്ടായിരിക്കുമെന്ന് ദേശീയ മെഡിക്കൽ കമ്മീഷൻ അറിയിച്ചു.
ALSO READ : മനുഷ്യ മസ്‌തിഷ്കം കാലക്രമേണ വലുതാകുമെന്ന് പഠനം; ഡിമെൻഷ്യയെ പ്രതിരോധിക്കുമെന്നും കണ്ടെത്തൽ
നട്ടെല്ലിന്റെ വൈകല്യം, രോഗബാധ, അപകടം തുടങ്ങിയ പ്രശ്നങ്ങള്‍ക്കാണ് നട്ടെല്ലിലെ ശസ്ത്രക്രിയ പൊതുവെ അനിവാര്യമായി വരാറുള്ളത്. ഇത്തരം ശസ്ത്രക്രിയകള്‍ നിര്‍വഹിക്കാനുള്ള യോഗ്യത ആര്‍ക്കാണെന്ന കാര്യത്തില്‍ പലയിടത്തും തര്‍ക്കങ്ങള്‍ നിലനിന്നിരുന്നു.
ഏറെക്കാലമായി നിലനിന്നിരുന്ന ഈ സംശയം ദൂരീകരിച്ചു കൊണ്ടാണ് കമ്മിഷന് കീഴില്‍ പ്രവര്‍ത്തിക്കുന്ന എത്തിക്സ് ആന്‍ഡ് മെഡിക്കല്‍ രജിസ്ട്രേഷന്‍ ബോർഡിൻറെ ശാസ്ത്രീയമായ നിലപാട് വ്യക്തമാക്കല്‍. കഴിഞ്ഞ നവംബർ മുതലുള്ള ചർച്ചകൾക്ക് ശേഷമാണ് മെഡിക്കൽ ബോർഡ് ഇത്തരത്തിലൊരു തീരുമാനത്തിലേക്ക് എത്തിയത് .
New Delhi,New Delhi,Delhi
July 23, 2024 10:33 AM IST