തിരുവനന്തപുരം ഡിസിസി പ്രസിഡന്റ് താത്കാലിക ചുമതല എൻ.ശക്തന്|n sakthan appointed as temporary dcc president thiruvananthapuram

എൽഡിഎഫ് വീണ്ടും അധികാരത്തിലെത്തുമെന്നുള്ള സ്വന്തം ഫോൺ സംഭാഷണം പുറത്തായതിനെ തുടർന്നാണ് ജില്ലാ കോൺഗ്രസ് കമ്മിറ്റി പ്രസിഡന്റ് പാലോട് രവി രാജിവച്ചത്. അടുത്ത നിയമസഭാ തിരഞ്ഞെടുപ്പില്‍ 50 മണ്ഡലങ്ങളില്‍ ബിജെപി കടന്നുകയറ്റം നടത്തുമെന്നും അദ്ദേഹം പറഞ്ഞിരുന്നു. കാൾ റെക്കോർഡിങ് പുറത്തുവന്നു മണിക്കൂറുകൾക്കകമായിരുന്നു രാജി. ഓഡിയോ പുറത്തായതോടെ കെപിസിസിയും എഐസിസിയും അതൃപ്തി രേഖപ്പെടുത്തുകയും ഒടുവില്‍ രാജി ആവശ്യപ്പെടുകയുമായിരുന്നു. വാമനപുരം ബ്ലോക്ക് ജനറൽ സെക്രട്ടറി എ.ജലീൽ ഒരു പരിപാടിക്കായി വിളിച്ചപ്പോൾ നടത്തിയ സംഭാഷണമാണു പുറത്തുവന്നത്.