ഗൂഗിള്‍ സമ്മതിച്ചു; നിങ്ങളോ ? പാസ്‌വേഡ് കുടുംബത്തിലെ മറ്റ് അംഗങ്ങളുമായി പങ്കുവെയ്ക്കാം|Google Says You Can Now Share Passwords With Other Family Members | Tech

ഗൂഗിള്‍ ക്രോമിലെ പാസ് വേഡ് മാനേജര്‍ സെക്ഷനില്‍ പോയി നിലവിലുള്ള ഏതെങ്കിലും സേവ് ചെയ്ത അക്കൗണ്ടില്‍ ക്ലിക്ക് ചെയ്യുമ്പോള്‍ ഗൂഗിള്‍ നിങ്ങളുടെ പാസ് വേഡിന്റെ പകര്‍പ്പ് പങ്കിടുക എന്ന് പറയുന്ന ഒരു പോപ് അപ് ബോക്‌സ് കാണിക്കും. ഇത് കുടുംബാംഗങ്ങള്‍ക്ക് ഉപയോഗിക്കാവുന്നതാണ്. അവര്‍ക്ക് തങ്ങളുടെ പാസ് വേഡ് മാനേജര്‍ ഉപയോഗിച്ച് അത് പൂരിപ്പിക്കാവുന്നതാണ്. പാസ് വേഡ് ഉപയോഗിച്ച് ഈ അംഗങ്ങള്‍ക്ക് ഏത് ആപ്പിലേക്കും സേവനങ്ങളിലേക്കും സൈന്‍ ഇന്‍ ചെയ്യാന്‍ കഴിയും.

ഉപയോക്താക്കളുടെ സുരക്ഷ ഉറപ്പു വരുത്തിയാണ് എല്ലാ സംവിധാനങ്ങളും ഒരുക്കിയിരിക്കുന്നതിനാല്‍ പാസ് വേഡുകള്‍ പങ്കിടുന്നത് നിങ്ങളെ തുറന്നുകാട്ടില്ലെന്ന് ഗൂഗിള്‍ ഉറപ്പു നല്‍കുന്നു. ആദ്യം ചെയ്യേണ്ടത് ഫോണിലെ പ്ലേ സ്റ്റോര്‍ ആപ്പ് ഏറ്റവും പുതിയ പതിപ്പിലേക്ക് അപ്‌ഡേറ്റ് ചെയ്യുകയെന്നതാണ്. കുടുംബാംഗങ്ങള്‍ക്കായി ഒരു ഗ്രൂപ്പ് നിര്‍മിച്ചശേഷം പാസ്‌വേഡ് ഫീച്ചര്‍ ലഭ്യമാണോ എന്ന് നോക്കാവുന്നതാണ്.