കണ്ണൂർ സെൻട്രൽ ജയിലിൽ നിന്ന് കല്ലിനിടയിൽ ഒളിപ്പിച്ച നിലയിൽ സ്മാർട്ട് ഫോൺ കണ്ടെത്തി | Mobile phone found in Kannur Central Jail | Kerala

പതിവു പരിശോധനയ്ക്കിടെയായിരുന്നു സ്മാർട്ട് ഫോൺ കണ്ടെത്തിയത്. ഈ ഫോൺ ആരുടേതാണെന്ന് സംബന്ധിച്ച് വിവരങ്ങൾ ഒന്നും ലഭ്യമായിട്ടില്ല. കണ്ണൂർ ജയിലിൽ മൊബൈൽ ഫോൺ സൗകര്യമുണ്ടെന്ന് കഴിഞ്ഞ ആഴ്ച ജയിൽ ചാടി പിടിക്കപ്പെട്ട സൗമ്യ വധക്കേസിൽ ജയിലിൽ കഴിയുന്ന ഗോവിന്ദച്ചാമി മൊഴി നൽകിയിരുന്നു. പണം നൽകിയാൽ പുറത്തേക്കു വിളിക്കാൻ കഴിയുമെന്നും പറഞ്ഞിരുന്നു.

അതീവ സുരക്ഷയുള്ള കണ്ണൂർ ജയിലിൽ നിന്നായിരുന്നു ​ഗോവിന്ദച്ചാമി ജയിൽ ചാടിയത്. തുടർന്ന് ജയിലിലെ സുരക്ഷ സംബന്ധിച്ച് ഏറെ ആശങ്കകൾ ഉയർന്നിരുന്നു. ഇതിനു പിന്നാലെയാണ് ജയിലിൽ നിന്നും മൊബൈൽ ഫോൺ കണ്ടെത്തിയ വാർത്ത പുറത്തു വന്നത്.