സാനുമാഷ് 96-ാം വയസിൽ തുടർച്ചയായി കണ്ടത് 15 സിനിമകൾ ;മോഹൻ ലാലിനെക്കുറിച്ച് പുസ്തകമെഴുതാൻ Prof MK sanu watched 15 films within weeks to write a book about actor Mohanlal at the age of 96  | Kerala

മൂന്ന് മാസം കൊണ്ടാണ് പുസ്തകം പൂർത്തിയാക്കിയത്. എഴുത്ത് ഏതാണ്ട് അവസാനിച്ച ഘട്ടത്തിൽ സംഭവിച്ച പുസതകമായതിനാൽ ഇതു സാധ്യമായതെങ്ങനെയെന്ന് തനിക്ക് വിശ്വസിക്കാനാകുന്നില്ലെന്നും ഏതോ ഒരു ശക്തി നയിച്ചെന്നാണു തോന്നുന്നതെന്നും സാനുമാഷ് പറഞ്ഞിരുന്നു. അഭിനയത്തിനു പല രീതികളും ഭാവങ്ങളുമുണ്ട്. അഭിനേതാവിന്റെ ശോകവുമായി പ്രേക്ഷകൻ താദാത്മ്യം പ്രാപിക്കുന്നതുപോലെ അഭിനയിക്കുന്നതാണ് ഒരു രീതി.കഥാപാത്രത്തിൽനിന്ന് അകന്നുനിന്ന് ആ അവസ്ഥയെക്കുറിച്ചു ചിന്തിക്കാൻ പ്രേക്ഷകനെ പ്രേരിപ്പിക്കുന്നതാണ് മറ്റൊന്ന്. ഇതു രണ്ടും സമന്വയിക്കുന്ന അദ്ഭുതം ‘തന്മാത്ര’ കണ്ടപ്പോൾ തനിക്ക് അനുഭവപ്പെട്ടെന്നും സാനുമാഷ് പറഞ്ഞിരുന്നു. വളരെ ഇഷ്ടപ്പെട്ടെന്നും ഇനിയൊരു ജന്മമുണ്ടെങ്കിൽപോലും കടപ്പാട് തീരില്ല എന്നുമായിരുന്നു പുസ്തകം വായിച്ചശേഷം മോഹൻലാൽ പ്രതികരിച്ചത്.