ക്ഷേത്രങ്ങള്‍ ദക്ഷിണേന്ത്യയിലെതു പോലെ വൃത്തിയായി പരിപാലിക്കണമെന്ന് ബീഹാർ ഹൈക്കോടതി|Bihar High Court says temples should be kept clean like those in South India | India

ട്രസ്റ്റ് ഭരിക്കുന്ന സംസ്ഥാനത്തെ എല്ലാ ക്ഷേത്രങ്ങളും ഉയര്‍ന്ന നിലവാരത്തോടെ പരിപാലിക്കണമെന്നും ശുചിത്വവും പച്ചപ്പും നിലനിര്‍ത്തണമെന്നും ഹൈക്കോടതി പറഞ്ഞു. ആറ് നിര്‍ദ്ദേശങ്ങളാണ് ക്ഷേത്രങ്ങളുടെ പരിപാലനത്തിനായി കോടതി ട്രസ്റ്റിന് നല്‍കിയിട്ടുള്ളത്. ജസ്റ്റിസ് രാജീവ് റോയിയുടെ സിംഗിള്‍ ബെഞ്ചാണ് ഉത്തരവ് പുറപ്പെടുവിച്ചത്.

ദര്‍ഭംഗയിലെ ശ്രീ ബാബ കുശേശ്വര്‍ നാഥ് ക്ഷേത്രത്തിനായുള്ള മാനേജിംഗ് ട്രസ്റ്റ് കമ്മിറ്റിയുടെ രൂപീകരണവുമായി ബന്ധപ്പെട്ട വിഷയത്തില്‍ സന്തോഷ് കുമാര്‍ ഝാ എന്ന വ്യക്തി സമര്‍പ്പിച്ച കോടതിയലക്ഷ്യ ഹര്‍ജി പരിഗണിക്കവെയാണ് പാട്‌ന ഹൈക്കോടതിയുടെ നിര്‍ദ്ദേശം.

ദാനാപൂരിലെ ബീഹാര്‍ റെജിമെന്റല്‍ സെന്റര്‍ ക്ഷേത്രത്തെ മികച്ച പരിപാലനത്തിന് ജസ്റ്റിസ് റോയ് അഭിനന്ദിക്കുകയും ചെയ്തു. വൃത്തിയുള്ളതും പച്ചപ്പുള്ളതുമായ ക്ഷേത്രത്തിന്റെ മികച്ച ഉദാഹരണമാണിതെന്നും കോടതി ചൂണ്ടിക്കാട്ടി. ബീഹാറിലെ മറ്റു ക്ഷേത്രങ്ങളും ഇത് മാതൃകയാക്കി പിന്തുടരണമെന്ന് കോടതി പറഞ്ഞു.