കേരളത്തിന് ആദ്യമായി സുബ്രതോ കപ്പ് ഇന്റർനാഷണൽ ഫുട്ബോൾ കിരീടം; ചരിത്രം കുറിച്ച് കോഴിക്കോട് ഫാറൂഖ് ഹയർസെക്കൻഡറി സ്കൂൾ| Kozhikodes Farook HSS lifts Keralas first-ever Subroto Cup international football title | Sports

ഉത്തരാഖണ്ഡിലെ അമിനിറ്റി പബ്ലിക് സ്‌കൂളിനെ 2-0 എന്ന സ്‌കോറിനാണ് കേരളം പരാജയപ്പെടുത്തിയത്. പത്ത് വർഷം മുമ്പ് മലപ്പുറം ആസ്ഥാനമായുള്ള എംഎസ്പി ആയിരുന്നു സുബ്രതോ കപ്പ് ഫൈനൽ കളിച്ച മുൻ കേരള ടീം, എന്നാൽ അന്ന്  അവർ ഫൈനലിൽ പരാജയപ്പെട്ടു.

പെനാൽറ്റി ബോക്സിന് തൊട്ടുവെളിയിൽ നിന്ന് ജോൺ സീന 20-ാം മിനിറ്റിൽ തൊടുത്ത ശക്തമായ ഷോട്ടിലൂടെ ഫാറൂഖിന് ലീഡ് നൽകി. 61-ാം മിനിറ്റിൽ ആദി കൃഷ്ണ ദൂരെ നിന്ന് തൊടുത്ത മറ്റൊരു ഷോട്ടിലൂടെ ലീഡ് ഇരട്ടിയാക്കി.

ഐ-ലീഗ് ക്ലബായ ഗോകുലം കേരളയുടെ പിന്തുണയുള്ള ഫറൂഖിനെ പരിശീലിപ്പിച്ചത് വി പി സുനീർ ആയിരുന്നു. ജസീം അലിയുടെ നേതൃത്വത്തിലുള്ള ടീം ടൂർണമെന്റിലുടനീളം 10 ഗോളുകൾ നേടുകയും രണ്ട് ഗോളുകൾ മാത്രം വഴങ്ങുകയും ചെയ്തു.