രോഗിയുമായി പോയ ആംബുലൻസും സ്കൂട്ടറും കൂട്ടിയിടിച്ച് ഹോട്ടൽ ജീവനക്കാരനായ 20 -കാരൻ മരിച്ചു|ambulance collide with scooter 20-year-old died | Kerala

അപകടവിവരം അറിഞ്ഞ ഉടൻ തന്നെ മറ്റ് രണ്ട് ആംബുലൻസുകൾ സ്ഥലത്തെത്തി. പക്ഷാഘാതം വന്ന രോഗിയെ മറ്റൊരു ആംബുലൻസിലേക്ക് മാറ്റി കോട്ടയം മെഡിക്കൽ കോളേജിലേക്ക് കൊണ്ടുപോയി. ഗുരുതരമായി പരിക്കേറ്റ ഷിഫാനെ ഉടൻ തന്നെ തിരുവല്ല താലൂക്ക് ആശുപത്രിയിൽ പ്രവേശിപ്പിച്ച് പ്രാഥമിക ചികിത്സ നൽകി. വയറിനും തലയ്ക്കും ഗുരുതരമായ പരിക്കേറ്റതിനാൽ ഉടൻ കോട്ടയം മെഡിക്കൽ കോളേജിലേക്ക് മാറ്റിയെങ്കിലും ജീവൻ രക്ഷിക്കാനായില്ല. വയനാട് വൈത്തിരി പന്ത്രണ്ടാംപാലം ജൂബിലിവയൽ പള്ള്യാലിൽ ജലീലിന്റെയും സജ്നയുടേയും മകനാണ് മുഹമ്മദ് ഷിഫാൻ.