സിംഗപ്പൂരില് പടക്കം പൊട്ടിച്ചതിന് ഇന്ത്യന് വംശജന് അറസ്റ്റിലായി| Indian-Origin Man Arrested in Singapore for Setting Off Firecrackers During Diwali Celebrations | World
Last Updated:
സിംഗപ്പൂരില് പടക്കം പൊട്ടിക്കുന്നതിന് നിരോധനമുണ്ട്. ഇക്കാര്യം അറിയാതെയാണ് 39കാരൻ പടക്കം പൊട്ടിച്ചത്
സിംഗപ്പൂരില് ദീപാവലി ആഘോഷങ്ങളുടെ ഭാഗമായി പടക്കം പൊട്ടിച്ചതിന് ഇന്ത്യന് വംശജന് അറസ്റ്റിലായി. സിംഗപ്പൂരില് പടക്കം പൊട്ടിക്കുന്നതിന് നിരോധനമുണ്ട്. ഇക്കാര്യം അറിയാതെയാണ് 39കാരനായ ദിലീപ് കുമാര് എന്നയാൾ പടക്കം പൊട്ടിച്ചതെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്തു. കഴിഞ്ഞയാഴ്ച കാര്ലൈല് റോഡിലെ തുറസ്സായ സ്ഥലത്തുവെച്ചാണ് ഇയാള് പടക്കം പൊട്ടിച്ചത്.
2021ലെ ഗണ്സ്, എക്സ്പ്ലോസീവ്സ് ആന്ഡ് വെപ്പണ്സ് കണ്ട്രോള് നിയമം പ്രകാരമാണ് കേസെടുത്തത്. വെടിക്കെട്ടിന്റെ വീഡിയോ ക്ലിപ്പ് ഓണ്ലൈനില് പങ്കുവെച്ചതിന് ശേഷമാണ് സംഭവം ശ്രദ്ധയില്പ്പെട്ടത്. സംഭവത്തിന്റെ റിപ്പോര്ട്ട് സമര്പ്പിച്ചതായും അന്വേഷണം നടന്നുകൊണ്ടിരിക്കുകയാണെന്നും പോലീസ് അറിയിച്ചു.
വീഡിയോ കോണ്ഫറന്സ് വഴി ദിലീപ് വ്യാഴാഴ്ച കോടതിയില് ഹാജരായി. നവംബര് 20ന് ഇയാളെ വീണ്ടും കോടതിയില് ഹാജരാക്കും.
അനധികൃതമായി സ്ഫോടക വസ്തു ഉപയോഗിച്ചതിന് അഞ്ച് വര്ഷം വരെ തടവ് ശിക്ഷയും 77,000 ഡോളര് പിഴയും (ഏകദേശം 67.74 ലക്ഷം രൂപ) ലഭിച്ചേക്കാം.
Summary: An Indian-origin man was arrested in Singapore for setting off firecrackers as part of Diwali celebrations. Local media reported that the 39-year-old, identified as Dileep Kumar, lit the firecrackers in an open area on Carlisle Road last week, unaware that firecrackers are banned in Singapore. A case has been registered against him under the Guns, Explosives and Weapons Control Act 2021.
New Delhi,New Delhi,Delhi
October 24, 2025 8:08 PM IST