എംസി റോഡിൽ ടൂറിസ്റ്റ് ബസ് മറിഞ്ഞ് ഒരാൾ മരിച്ചു; 18 പേർക്ക് പരിക്ക്| Kottayam Tourist Bus Accident on MC Road 1 Killed 18 Injured | Kerala
Last Updated:
അപകടത്തിൽ ഗുരുതര പരിക്കേറ്റവരെ കോട്ടയം മെഡിക്കൽ കോളേജ് ആശുപത്രിയിലും ബാക്കിയുള്ളവരെ മോനിപ്പിള്ളിയിലെ സ്വകാര്യ ആശുപത്രിയിലും പ്രവേശിപ്പിച്ചു
കോട്ടയം: എം സി റോഡിൽ കുറവിലങ്ങാട് ചീങ്കല്ലയിൽ പള്ളിക്ക് എതിർവശം ടൂറിസ്റ്റ് ബസ് മറിഞ്ഞ് ഒരാൾ മരിച്ചു. 18 പേർക്ക് പരിക്കേറ്റു. തിങ്കളാഴ്ച പുലർച്ചെ ഒന്നരയോടെയായിരുന്നു അപകടം. കണ്ണൂർ ഇരിട്ടി സ്വദേശിനി സിന്ധ്യ (45) ആണ് മരിച്ചത്. ഇരിട്ടിയിൽ നിന്നും തിരുവനന്തപുരത്തേക്ക് പോയി തിരികെ വരുന്നതിനിടെയായിരുന്നു അപകടം.
ബസ് വളവ് തിരിയുന്നതിനിടെ നിയന്ത്രണംവിട്ട് റോഡിൽ മറിയുകയായിരുന്നു. അപകടത്തിൽ ഗുരുതര പരിക്കേറ്റവരെ കോട്ടയം മെഡിക്കൽ കോളേജ് ആശുപത്രിയിലും ബാക്കിയുള്ളവരെ മോനിപ്പിള്ളിയിലെ സ്വകാര്യ ആശുപത്രിയിലും പ്രവേശിപ്പിച്ചു. 49 പേരാണ് ബസിൽ ഉണ്ടായിരുന്നത്. 18 പേർക്കു പരുക്കേറ്റു. ആരുടെയും നില ഗുരുതരമല്ല.
Summary: One person died and 18 were injured after a tourist bus overturned on the MC Road, opposite the Cheenkallayil Church in Kuravilangad, Kottayam. The accident occurred around 1:30 AM on Monday (October 27). The deceased has been identified as Sindhya (45), a native of Iritty, Kannur. The accident happened while the bus was returning to Iritty after a trip to Thiruvananthapuram.
Kottayam,Kottayam,Kerala
October 27, 2025 8:00 AM IST