ശബരിമല സ്വർണക്കൊള്ള:’കേന്ദ്ര ഏജൻസികൾക്ക് ഇടപെടാം; അയ്യപ്പൻ ആരെയും വെറുതെ വിടില്ല’;കേന്ദ്രമന്ത്രി ജോർജ് കുര്യൻ Union Minister George Kurien says central agencies may intervene in Sabarimala gold loot case | Kerala

ശബരിമല സ്വർണക്കൊള്ള കേസിൽ കേന്ദ്ര ഏജൻസികൾക്ക് നിയമപരമായി ഇടപെടാമെന്ന് കേന്ദ്രമന്ത്രി ജോർജ് കുര്യൻ. ഇടപെടുമെന്നാണ് വിശ്വസിക്കുന്നതെന്നും കോഴിക്കോട് മാധ്യമപ്രവർത്തകരോട് സംസാരിക്കവെ അദ്ദേഹം പറഞ്ഞു. സംഭവിച്ചതിൽ അത്ഭുതപ്പെടാനൊന്നുമില്ല. അറസ്റ്റ് ചെയ്യപ്പെട്ടവരെല്ലാം തന്നെ മാക്സിസ്റ്റ് പാർട്ടിയുടെ ആളുകളും നിരീശ്വരവാദികളുമാണ്. അറസ്റ്റ് ചെയ്യുന്നവരെല്ലാം വളരെ സംതൃപ്തിയോടെ ചിരിച്ചു കൊണ്ടാണ് പോകുന്നത്. അവരുടെ ആശയപരമായ ഡ്യൂട്ടി ചെയ്തു എന്നവർ വിശ്വസിക്കുന്നു എന്നും അദ്ദേഹം പറഞ്ഞു.