Kerala Gold Rate| പിന്നോട്ടില്ല; സ്വർണവിലയിൽ ഇന്നും വർധനവ്: നിരക്ക് അറിയാം | Kerala gold rate update on 15th october 2025 know the rates | Money
Last Updated:
ഒക്ടോബർ എട്ടിനാണ് സ്വര്ണവില ആദ്യമായി 90,000 കടന്നത്
തിരുവനന്തപുരം: സംസ്ഥാനത്ത് സ്വർണവിലയിൽ വർധനവ്. ഇന്ന് പവന് 400 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന്റെ ഇന്നത്തെ വിപണി നിരക്ക് 94,520 രൂപയാണ്. ഗ്രാമിന് 50 രൂപ വര്ധിച്ച് 11,815 രൂപയായി. ഇന്നലെ സ്വര്ണ വില മൂന്ന് തവണയാണ് മാറിയത്.
രാവിലെ വര്ധിക്കുകയും ഉച്ചയ്ക്ക് കുറയുകയും വൈകിട്ട് വീണ്ടും വര്ധിക്കുകയുമായിരുന്നു സ്വര്ണ വില. ഒക്ടോബര് മൂന്നിലെ 86,560 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്. ഒക്ടോബർ എട്ടിനാണ് സ്വര്ണവില ആദ്യമായി 90,000 കടന്നത്. തൊട്ടടുത്ത ദിവസം 91,000 കടന്ന് കുതിച്ച സ്വര്ണവില 95,000ലേക്ക് അടുക്കുകയാണ്. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് ഒഴുകിയെത്തുന്നതാണ് സ്വര്ണവില ഉയരാനുള്ള പ്രധാന കാരണം.
രാജ്യാന്തര വിപണിയില് ഔൺസിന് 100 ഡോളറില് അധികം ഉയര്ന്ന് 4163 ഡോളറിലെത്തി. വൈകാതെ 4500 ഡോളറില് എത്തുമെന്നാണ് വിവരം. അങ്ങനെ സംഭവിച്ചാല് കേരളത്തില് വില ഒരു ലക്ഷം കവിയും. ഈ മാസം ഏറ്റവും കുറഞ്ഞ പവന് വില രേഖപ്പെടുത്തിയത് 86560 രൂപയായിരുന്നു. മൂന്നാം തീയതിയായിരുന്നു ഈ വില. ഈ മാസം ഇതുവരെ 7800 രൂപയാണ് പവന് വർധിച്ചത്.
Thiruvananthapuram,Kerala
October 15, 2025 10:34 AM IST