Gold Rate: കുതിപ്പ് തുടർന്ന് സ്വർണം; വിലയിൽ ഇന്നും വർധനവ്; നിരക്ക് അറിയാം|kerala gold rate update on 3rd november 2025 know the rates | Money
Last Updated:
ഒരു ഗ്രാം 22 കാരറ്റ് സ്വർണത്തിന് 15 രൂപ കൂടി 11,290 രൂപയിലെത്തി
തിരുവനന്തപുരം: സംസ്ഥാനത്തെ സ്വർണവിലയിൽ (Gold Rate) ഇന്ന് വർധനവ്. പവന് 120 രൂപ ഉയർന്ന് 90,320 രൂപയിലെത്തി. ഗ്രാമിന് 15 രൂപ കൂടി 11,290 രൂപയിലെത്തി. രാജ്യാന്തര സ്വർണവില ഔൺസിന് 3,962 ഡോളറിൽ നിന്ന് 4,014ലേക്ക് തിരിച്ചുയർന്നു. ഒരു ഗ്രാം 24 കാരറ്റ് സ്വർണത്തിന് 12,317 രൂപയും, പവന് 98,536 രൂപയുമാണ് ഇന്നത്തെ നിരക്ക്. 18 കാരറ്റിന് ഒരു ഗ്രാമിന് 9,238 രൂപയും പവന് 73,904 രൂപയുമാണ് വില. വെള്ളി വില ഗ്രാമിന് 168 രൂപയും കിലോഗ്രാമിന് 1,68,000 രൂപയുമാണ്.
സ്വർണത്തിന് നൽകിയിരുന്ന നികുതിയിളവുകൾ റദ്ദാക്കിയ ചൈനീസ് ഗവൺമെന്റിന്റെ നടപടിയാണ് വില ഉയരാനുള്ള കാരണം. ലോകത്ത് സ്വർണത്തിന് ഏറ്റവുമധികം ഡിമാൻഡുള്ള രാജ്യങ്ങളിലൊന്നാണ് ചൈന. ആഗോള തലത്തിലെ സാമ്പത്തിക അനിശ്ചിതത്വങ്ങൾ, വർദ്ധിച്ച പണപ്പെരുപ്പ ഭീതി, ഡോളറിനെതിരെ ഇന്ത്യൻ രൂപയുടെ മൂല്യത്തിലുണ്ടായ തുടർച്ചയായ ഇടിവ് തുടങ്ങിയ ഘടകങ്ങളാണ് നിക്ഷേപകരെ സ്വർണത്തിലേക്ക് തിരിയാൻ പ്രേരിപ്പിച്ച് വില ഉയർത്തുന്നത്. വില കുതിച്ചുയർന്നതോടെ വിവാഹം പോലുള്ള ആവശ്യങ്ങൾക്കായി സ്വർണം വാങ്ങുന്നതിൽ വലിയ കുറവ് രേഖപ്പെടുത്തി. വിൽപന ഇടിഞ്ഞതോടെ സംസ്ഥാനത്തെ സ്വർണ വ്യാപാര മേഖല കനത്ത പ്രതിസന്ധിയിലാണ്.
Kochi [Cochin],Ernakulam,Kerala
November 03, 2025 10:39 AM IST