“അന്ന് ചാൻസ് ചോദിക്കാൻ പേടിയും ചമ്മലുമായിരുന്നു, ഇന്ന് അങ്ങനെയല്ല”; മാറ്റത്തെക്കുറിച്ച് ശ്രുതി രാമചന്ദ്രൻ | Actress Sruthy Ramachandran reveals that while she used to be shy about seeking movie roles earlier, she has now overcome that hesitation | സിനിമാ വാർത്ത

“സിനിമയിൽ അവസരം ചോദിക്കാൻ പണ്ട് ഭയങ്കര മടിയായിരുന്നു. അത് എങ്ങനെയാണ് ചോദിക്കേണ്ടതെന്ന് എനിക്ക് അറിയില്ലായിരുന്നു. സിനിമാരംഗത്ത് ആരെയും എനിക്ക് പരിചയമില്ല. പല കഥകളും കേട്ടിട്ടുള്ളതുകൊണ്ട് ചോദിച്ചാൽ ശരിയാകുമോ എന്ന പേടിയും ഉണ്ടായിരുന്നു. എന്നാൽ ഇന്ന് അങ്ങനെയല്ല. ഒരാളുടെ വർക്ക് എനിക്ക് ഇഷ്ടമായാൽ അവർക്കൊപ്പം ജോലി ചെയ്യാൻ താൽപ്പര്യമുണ്ടെന്ന് ഞാൻ തുറന്നു പറയും. എന്റെ രീതിയിൽ അത് ഒരു ‘ചാൻസ് ചോദിക്കൽ’ തന്നെയാണ്. മൂന്ന് കൊല്ലം മുമ്പ് വരെ എനിക്ക് ഇതിന് വലിയ ചമ്മലായിരുന്നു. എന്നാൽ ഇന്ന് ആ ബുദ്ധിമുട്ടില്ലാതെ കാര്യം പറയാൻ എനിക്കറിയാം.”