ജ്യോതി മൽഹോത്രയുടെ കേരള സന്ദർശനത്തിൽ ടൂറിസം വകുപ്പിനെയും മന്ത്രിയെയും കുറ്റപ്പെടുത്താനാകില്ല; വി ഡി സതീശൻ|Tourism department and minister muhmmad riyas cannot be blamed for Jyoti Malhotra s visit to Kerala says VD Satheesan

ഈ വിഷയത്തിൽ ടൂറിസം വകുപ്പിനെയും ടൂറിസം മന്ത്രിയേയും കുറ്റപ്പെടുത്താൻ കഴിയില്ലെന്ന് സതീശൻ പറഞ്ഞു. ചാരപ്രവർത്തനത്തിന് വേണ്ടിയാണ് ജ്യോതി കേരളത്തിലേക്ക് വരുന്നതെന്ന് അറിഞ്ഞിരുന്നെങ്കിൽ അവരെ ഇവിടേക്ക് എത്തിക്കുമായിരുന്നില്ലെന്നും വ്ലോ​ഗർ എന്ന നിലയ്ക്കാണ് അവർ എത്തിയത്.

വ്ലോ​ഗറെ കൊണ്ടുവന്ന പ്രമോഷൻ നടത്തിയത് സർക്കാരിനെയോ ടൂറിസം വകുപ്പിനെയോ ടൂറിസം മന്ത്രിയേയോ കുറ്റപ്പെടുത്താൻ സാധിക്കില്ലെന്നും സതീശൻ കൂട്ടിച്ചേർത്തു. വരുമ്പോൾ അവർ ചാരപ്രവർത്തകയാണെന്ന് അറിയില്ലല്ലോ.

നിർദോഷമായാണ് വ്ലോ​ഗറെ കേരളത്തിൽ എത്തിച്ചതെന്നും സതീശൻ പറഞ്ഞു. സിപിഎമ്മായിരുന്നു പ്രതിപക്ഷത്തെങ്കിൽ ഇക്കാര്യത്തിൽ ടൂറിസം മന്ത്രിയുടെ രാജി ആവശ്യപ്പെട്ടതെന്നും ആവശ്യമില്ലാത്ത കാര്യങ്ങളിൽ ഒന്നും സർക്കാരിനെ പ്രതിപക്ഷം കുറ്റപ്പെടുത്തില്ല.

എന്നാൽ ആരോഗ്യ കേരളം വെന്റിലേറ്ററിലാണ്. നിലവിലെ മന്ത്രിയെക്കൊണ്ട് ഇതിനൊന്നും സാധിക്കില്ല. അവർ രാജിവച്ചു ഇറങ്ങിപ്പോകണമെന്ന് കൂട്ടിച്ചേർത്തു