പരുക്കേറ്റയാളെ ആശുപത്രിയില്‍ ഉപേക്ഷിച്ച് പൊലീസ് മുങ്ങിയതായി പരാതി|allege against police that they abandoned an injured man in the hospital and unattened in kochi

വിഷയം വിവാദമായതോടെ ഇന്നലെയാണ് പൊലീസ് കേസെടുക്കാൻ തയ്യാറായത്. കഴിഞ്ഞ മാസം 19-നാണ് സംഭവം. അപകടത്തിൽ പരുക്കേറ്റ ഒഡീഷ സ്വദേശിയായ തൊഴിലാളിയെ ഹിൽപാലസ് പൊലീസാണ് കൊച്ചിയിലെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. എന്നാൽ, തൊഴിലാളിയെ ആശുപത്രിയിൽ എത്തിച്ചതിനു പിന്നാലെ പൊലീസ് സംഘം അവിടെനിന്ന് മടങ്ങി.

തുടർന്ന്, തൊട്ടടുത്ത ദിവസം തന്നെ ഇയാൾ മരണപ്പെട്ടു. ഈ വിവരം അറിയിച്ച് മെഡിക്കൽ കോളേജ് സൂപ്രണ്ട് രണ്ടുതവണ ഹിൽപാലസ് പൊലീസിന് ഔദ്യോഗികമായി കത്തയച്ചിട്ടും യാതൊരു വിധത്തിലുള്ള നടപടികളും പൊലീസ് സ്വീകരിച്ചില്ലെന്നും റിപ്പോർട്ട്. പരുക്കേറ്റയാളോട് മനുഷ്യത്വം കാണിക്കാതെയും, മരണവിവരം അറിഞ്ഞിട്ടും തിരിഞ്ഞുനോക്കാതെയും പൊലീസ് മനുഷ്യത്വരഹിതമായി പെരുമാറിയെന്നും ആക്ഷേപം.