മേൽക്കൂര തകർന്നുവീണ കാർത്തികപ്പള്ളി സ്കൂളിൽ ക്ലാസ് നടക്കുന്നതിനിടെ പ്രതിഷേധം, കസേരയേറ്; യൂത്ത് കോണ്‍ഗ്രസ്-സിപിഎം പ്രവർത്തകർ ഏറ്റുമുട്ടി| youth congress-cpm Clash erupts at Karthikappally school in alappuzha

പഞ്ചായത്ത് മെമ്പറുടെ നേതൃത്വത്തിൽ സിപിഎം പ്രവർത്തകർ പിന്നിൽ നിന്നും ആക്രമിക്കുകയായിരുന്നുവെന്ന് യൂത്ത് കോൺ​ഗ്രസുകാർ ആരോപിക്കുന്നു. യൂത്ത് കോൺ​ഗ്രസ് പ്രവർത്തകർ കയ്യേറ്റം ചെയ്തതായി മെമ്പർ കുറ്റപ്പെടുത്തി. കഴിഞ്ഞദിവസമാണ് കാർത്തികപ്പള്ളി സർക്കാർ യുപി സ്‌കൂളിലെ പ്രധാന കെട്ടിടത്തിത്തിന്റെ മേൽക്കൂര ഭാഗികമായി തകർന്നുവീണത്. അവധി ദിവസമായതിനാൽ വലിയ ദുരന്തമാണ് ഒഴിവായത്.

തകർന്ന കെട്ടിടത്തിൽ ക്ലാസുകൾ പ്രവർത്തിച്ചിരുന്നില്ലെന്നാണ് സ്‌കൂൾ അധികൃതർ പറഞ്ഞത്. എന്നാൽ ഇവിടെ ക്ലാസുകൾ പ്രവർത്തിച്ചിരുന്നുവെന്ന് രക്ഷിതാക്കളും നാട്ടുകാരും പറയുന്നു. അപകടം നടന്ന ശേഷം സ്‌കൂൾ അധികൃതർ തകർന്ന ക്ലാസ് മുറികളിലെ മേശകളും ബെഞ്ചുകളും ധൃതിപ്പെട്ട് എടുത്തുമാറ്റുകയായിരുന്നുവെന്ന് നാട്ടുകാർ ആരോപിച്ചു.