ശ്രീ പത്മനാഭസ്വാമി ക്ഷേത്രത്തിലെ കമ്പ്യൂട്ടറിൽ നിന്നും വിവരങ്ങൾ ചോർത്തിയതായി സൂചന|password hacking cyber police suspect that data leak sree padmanabhaswamy temple | Kerala

അതേസമയം, ക്ഷേത്രസുരക്ഷയ്ക്കായി ഉപയോഗിക്കുന്ന നെറ്റ്‌വർക്ക് സുരക്ഷിതമാണെന്ന് സൈബ‌ർ പോലീസ് അറിയിച്ചു. കഴിഞ്ഞ ജൂണിലാണ് ഓൺലൈൻ ഇടപാടുകൾ നടത്തിയിരുന്ന പഴയ ജീവനക്കാരനെ മാറ്റി പുതിയ ആളെ നിയമിച്ചത്. ഇതിനു പിന്നാലെയാണ് പുതിയ യൂസർനെയിമും പാസ്‍വേഡും സജ്ജമാക്കിയത്. എന്നാൽ ഇത് ഉപയോഗിച്ച് കമ്പ്യൂട്ടർ ലോഗിൻ ചെയ്യാൻ സാധിച്ചില്ല. പഴയ യൂസർനെയിമും പാസ്‍വേഡും ഉപയോഗിച്ച് ലക്ഷക്കണക്കിന് രൂപ കൈകാര്യം ചെയ്യുന്ന നെറ്റ്‍വർക്കിലെ സുപ്രധാന വിവരങ്ങൾ ചോർത്തിയെന്ന നിഗമനത്തിലാണ് ക്ഷേത്രം ജീവനക്കാർ.

അതേസമയം, സംഭവവുമായി ബന്ധപ്പെട്ട് കൂടുതൽ ലോഗ് ഇൻ വിവരങ്ങൾ ശേഖരിക്കാനുള്ള തയാറെടുപ്പിലാണെന്ന് സൈബർ പോലീസ് അറിയിച്ചു. അതിനായി ഭരണപരമായ കാര്യങ്ങൾക്ക് ഉപയോഗിച്ചിരുന്ന കമ്പ്യൂട്ടർ ഫൊറൻസിക് പരിശോധനയ്ക്കും അയച്ചേക്കും. സംഭവത്തിൽ ക്ഷേത്ര എക്‌സിക്യൂട്ടീവ് ഓഫിസർ, കമ്പ്യൂട്ടർ വിഭാഗത്തിന്റെ ചുമതലയുള്ളവർ എന്നിവരുടെ മൊഴി രേഖപ്പെടുത്തി. പഴയ ജീവനക്കാരെ ഉൾപ്പെടെ കൂടുതൽ പേരെ ഉടൻ ചോദ്യം ചെയ്യും.