‘സ്ത്രീകളെ കണ്ടാൽ ഷാഫി ബാം​ഗ്ലൂരിലേക്ക് വിളിക്കും; രാഹുലിന്റെ ഹെഡ്മാസ്റ്ററാണ് ഷാഫി’: ​ഗുരുതര ആരോപണവുമായി CPM | CPM Palakkad district secretary raises sexual allegation against shafi Parambil | Kerala

രാഹുൽ മാങ്കൂട്ടത്തിലിനെ ഒരു തരത്തിലും അം​ഗീകരിക്കില്ല. അയാളെ കോൺ​ഗ്രസിൽ‌ നിന്നും പുറത്താക്കണം, ഇതിനിതിരെ ശക്തമായ നടപടി ഇനിയും വേണം. രാഹുൽ മാങ്കൂട്ടത്തിൽ രാജി വയ്ക്കണമെന്ന് പറയാൻ ഏതെങ്കിലും തരത്തിൽ ഷാഫി പറമ്പിൽ തയ്യാറാകുമോ? ഈ കാര്യത്തിൽ ഷാഫിയും രാഹുലും കൂട്ടുകച്ചവടമാണന്നും സുരേഷ് ബാബു പറഞ്ഞു.

ഭം​ഗിയുള്ള ആരെയെങ്കിലും ഒന്നു കണ്ടാൽ, ബാം​ഗ്ലൂരിൽ ട്രിപ്പടിയ്ക്കാമോയെന്നാണ് ഷാഫി ചോദിക്കുന്നത്. അതുകൊണ്ട് രാഹുലിനെതിരെ ഈ ഹെഡ്മാഷ് എന്തെങ്കിലും മിണ്ടുമോ? അതിലും വലിയ അധ്യാപകരാണ് മുകളിലുള്ളത്. അതുകൊണ്ടാണ് വലിയ നേതാക്കൾ ഇവ‍ർക്കെതിരെ ഒന്നും മിണ്ടാത്തത്. രാഹുലിനെ പ്രതിപക്ഷ നേതാവ് വിഡി സതീശൻ സസ്പെൻഡ് ചെയ്തതിന് പിന്നിലും ഒരു കാരണമുണ്ട്. വന്ന് വന്ന് മുറത്തിൽ കൊത്തിയപ്പോഴാണ് നടപടി ഉണ്ടായത്. അത് എന്താണെന്ന് വഴിയെ അറിയാമെന്നും അദ്ദേഹം കൂട്ടിച്ചേർത്തു

ലൈം​ഗിക പീഡന ആരോപണം നേരിടുന്ന കോൺഗ്രസ് എംഎൽഎ രാഹുൽ മാങ്കൂട്ടത്തിൽ മണ്ഡലത്തിൽ സജീവമായതിന് പിന്നാലെയാണ് ഷാഫി പറമ്പിലിനെതിരെയും ഗുരുതര ലൈംഗിക ആരോപണം ഉയ‍ർന്നത്.