‘ആലപ്പുഴ പാവപ്പെട്ടവർ ഏറെയുള്ള ജില്ല, എയിംസിനു വേണ്ടി ഏറെക്കാലമായി കാത്തിരിക്കുന്നു’; സുരേഷ്ഗോപിയെ പിന്തുണച്ച് കെ.സി. വേണുഗോപാൽ|k c venugopal supports suresh gopi opinion on alappuzha Aims | Kerala
Last Updated:
ആലപ്പുഴയിലോ തൃശൂരോ എയിംസ് വേണമെന്നായിരുന്നു സുരേഷ് ഗോപിയുടെ പ്രസ്താവന
കണ്ണൂർ: ആലപ്പുഴയിൽ എയിംസ് (AIIMS) സ്ഥാപിക്കണമെന്ന കേന്ദ്രമന്ത്രി സുരേഷ് ഗോപിയുടെ ആവശ്യത്തിന് പിന്തുണയുമായി എ.ഐ.സി.സി. ജനറൽ സെക്രട്ടറി കെ.സി. വേണുഗോപാൽ എംപി. ആലപ്പുഴയുടെ എംപി എന്ന നിലയിൽ സുരേഷ് ഗോപിയുടെ ഈ ആവശ്യം സ്വാഗതാർഹമാണെന്ന് അദ്ദേഹം മാധ്യമങ്ങളോട് പറഞ്ഞു. ആലപ്പുഴയിലോ തൃശൂരോ എയിംസ് വേണമെന്നായിരുന്നു സുരേഷ് ഗോപിയുടെ പ്രസ്താവന. എന്നാൽ ഈ ആവശ്യത്തെ കേരളത്തിലെ ബിജെപി നേതൃത്വം പിന്തുണയ്ക്കാത്ത സാഹചര്യത്തിലാണ് സുരേഷ് ഗോപിക്ക് അനുകൂലമായി കെ.സി. വേണുഗോപാൽ രംഗത്തെത്തിയത്.
“ആലപ്പുഴയിൽ എയിംസ് എന്നത് കേന്ദ്രമന്ത്രിയുടെ പ്രഖ്യാപനമായിട്ടാണ് കാണുന്നത്,” വേണുഗോപാൽ പറഞ്ഞു. എയിംസിനുവേണ്ടി സംസ്ഥാനം ഏറെക്കാലമായി കരഞ്ഞു കാത്തിരിക്കുകയാണ്. ഇതുപോലൊരു വിവേചനം മറ്റൊരു സംസ്ഥാനത്തിനും ഉണ്ടായിട്ടില്ല. ആലപ്പുഴയിൽ എയിംസ് എന്ന ആവശ്യവുമായി സുരേഷ് ഗോപി മുന്നോട്ട് വന്നാൽ എല്ലാ പിന്തുണയും നൽകും. ആലപ്പുഴയിൽ സ്വകാര്യമേഖലയിൽ പോലും പ്രധാന ആശുപത്രികളില്ലെന്നും, സർക്കാർ വിചാരിച്ചാൽ എയിംസിനായി സ്ഥലം നൽകാൻ സാധിക്കുമെന്നും അദ്ദേഹം കൂട്ടിച്ചേർത്തു.
Kannur,Kannur,Kerala
September 27, 2025 12:39 PM IST
‘ആലപ്പുഴ പാവപ്പെട്ടവർ ഏറെയുള്ള ജില്ല, എയിംസിനു വേണ്ടി ഏറെക്കാലമായി കാത്തിരിക്കുന്നു’; സുരേഷ്ഗോപിയെ പിന്തുണച്ച് കെ.സി. വേണുഗോപാൽ