ജീവനൊടുക്കാൻ ശ്രമിച്ച പെൺകുട്ടിയെ ആശുപത്രിയിലേക്ക് കൊണ്ടുപോകുന്ന വഴി അപകടത്തിൽ മരിച്ചു | Girl dies in an accident on the way to the hospital following a rescue from a death attempt in kasargod | Kerala

ബേത്തൂർപാറ തച്ചാർകുണ്ട് വീട്ടിൽ പരേതനായ ബാബുവിന്റെ മകൾ മഹിമ (20) യാണ് മരിച്ചത്. കാസർകോട്ടെ നുള്ളിപ്പാടിയിൽ നഴ്‌സിങ് വിദ്യാർഥിനിയായിരുന്നു മഹിമ. അപകടത്തിൽ മഹിമയുടെ അമ്മ വനജയ്ക്കും സഹോദരൻ മഹേഷിനും പരിക്കേറ്റു.

ഇന്ന് രാവിലെ എട്ടുമണിയോടെയാണ് സംഭവം. വീടിനുള്ളിലെ മുറിയിൽ തൂങ്ങിയ നിലയിൽ കണ്ടെത്തിയ മഹിമയെ ഉടൻ തന്നെ സഹോദരനും അമ്മയും ചേർന്ന് താഴെയിറക്കി ആശുപത്രിയിലേക്ക് കൊണ്ടുപോവുകയായിരുന്നു. എന്നാൽ, ഈ യാത്രയ്ക്കിടെ വാഹനം അപകടത്തിൽപ്പെട്ടു. ഉടൻ തന്നെ സ്ഥലത്തെത്തിയ നാട്ടുകാർ പരിക്കേറ്റ മൂന്നുപേരെയും കാസർകോട് ചെർക്കളയിലെ ആശുപത്രിയിൽ പ്രവേശിപ്പിച്ചു. എന്നാൽ, മഹിമയുടെ ജീവൻ രക്ഷിക്കാനായില്ല.