എൻഎസ്എസ് പരിപാടിയിൽ രാഹുൽ മാങ്കൂട്ടത്തിൽ മുഖ്യാതിഥി; എത്തിയത് 19 വിവാഹങ്ങൾ ഒഴിവാക്കിയിട്ടെന്ന് എംഎൽഎ | Rahul Mamkoottathil chief guest at adoor Nss karayogam function | Kerala

എൻ എസ് എസ് അടൂർ താലൂക്ക് യൂണിയന്റെ ചെയർമാനും ഈ പരിപാടിയിൽ ഉണ്ടായിരുന്നു. ഞായറാഴ്ച രാവിലെയായിരുന്നു ഈ പരിപാടി നടന്നത്.

19 വിവാഹങ്ങൾ ഒഴിവാക്കിയിട്ടാണ് കുടുംബസം​ഗമത്തിൽ എത്തിയതെന്ന് എംഎൽഎ പറഞ്ഞു. കരയോ​ഗത്തിന്റെ ഭാരവാഹികൾ എല്ലാ വീടുകളിലുമെത്തി ക്ഷണിക്കുന്നതുപോലെ എന്നോടും പറഞ്ഞിരുന്നു. അതിനാൽ, ഞാനുമൊരു ഒഴുക്കൻമട്ടിലാണ് വരാമെന്ന് കരുതിയതെന്നും എന്നാൽ, പരിപാടിയുടെ നോട്ടീസ് കണ്ടപ്പോഴാണ് മുഖ്യാതിഥിയാണെന്ന് അറിഞ്ഞതെന്നും രാഹുൽ പറഞ്ഞു.

ഇത്രയും ദിവസം പാലക്കാടായിരുന്നു. ഞായറാഴ്ച ആയിരുന്നിട്ടും ഈ പരിപാടിയിൽ പങ്കെടുക്കുന്നതിനാണ് പത്തനംതിട്ടയിലെത്തിയതെന്നും അദ്ദേഹം പറഞ്ഞു. കന്നി കഴി‍ഞ്ഞു, തുലാം മാസത്തിലെ ആദ്യത്തെ ഞായറാഴ്ചയായിരുന്നു. ഇന്ന് പങ്കെടുക്കേണ്ട 19 കല്യാണം ഒഴിവാക്കിയിട്ടാണ് ഇങ്ങോട്ട് വന്നതെന്നും വൈകുന്നേരം കല്യാണം നടക്കുന്ന വീടുകളിലെത്തണമെന്നും അദ്ദേഹം കൂട്ടിച്ചേർത്തു.