‘തിരക്കാവുന്നതിന് മുമ്പ്’ എല്ലാവർക്കും വാരിക്കോരി നൽകി സർക്കാർ; ആശമാരുടെ ഓണറേറിയവും ക്ഷേമ പെൻഷനുമടക്കം വൻ വർധന| Ahead of Elections Kerala government Hikes Social Welfare Pension to rs 2000 | Kerala
Last Updated:
സംസ്ഥാന സര്ക്കാര് ജീവനക്കാര്, പെന്ഷന്കാര് എന്നിവര്ക്കു നല്കാനുള്ള ഒരു ഗഡു ഡിഎ കുടിശിക 4 ശതമാനം നവംബറിലെ ശമ്പളത്തിനൊപ്പം നല്കും
തിരുവനന്തപുരം: തദ്ദേശ തിരഞ്ഞെടുപ്പ് പ്രഖ്യാപനം അടുത്തയാഴ്ച വരാനിരിക്കെ വൻ പ്രഖ്യാപനങ്ങളുമായി സംസ്ഥാന സര്ക്കാര്. സാമൂഹ്യക്ഷേമ പെന്ഷന് 1600 രൂപയില്നിന്ന് 2000 രൂപയായി വര്ധിപ്പിച്ചതായി മുഖ്യമന്ത്രി പിണറായി വിജയൻ മന്ത്രിസഭാ യോഗത്തിനുശേഷം അറിയിച്ചു. സംസ്ഥാന സര്ക്കാര് ജീവനക്കാര്, പെന്ഷന്കാര് എന്നിവര്ക്കു നല്കാനുള്ള ഒരു ഗഡു ഡിഎ കുടിശിക 4 ശതമാനം നവംബറിലെ ശമ്പളത്തിനൊപ്പം നല്കുമെന്നും മുഖ്യമന്ത്രി പറഞ്ഞു.
സ്ത്രീ സുരക്ഷയ്ക്കു സഹായം നല്കുന്ന പുതിയ പദ്ധതി പ്രകാരം ആയിരം രൂപ വീതം അര്ഹരായ സ്ത്രീകള്ക്കു നല്കും. 33 ലക്ഷത്തിലേറെ സ്ത്രീകള്ക്കു സഹായം കിട്ടുമെന്ന് മുഖ്യമന്ത്രി പറഞ്ഞു. ഇതിനൊപ്പം യുവാക്കള്ക്ക് സ്കോളര്ഷിപ്പ് പദ്ധതിയും പ്രഖ്യാപിച്ചു. പ്രതിവര്ഷ കുടുംബവരുമാനം ഒരു ലക്ഷം രൂപയ്ക്കു താഴെയുള്ള വിദ്യാർത്ഥികള്ക്ക് പ്രതിമാസം ആയിരം രൂപ വീതം നല്കും. ആശാവര്ക്കര്മാരുടെ പ്രതിമാസ ഓണറേറിയം ആയിരം രൂപ വര്ധിപ്പിക്കുമെന്നും മുഖ്യമന്ത്രി അറിയിച്ചു. ഇതുവരെയുള്ള കുടിശിക നല്കും.
സാക്ഷരതാ പ്രേരക്മാരുടെ പ്രതിമാസ ഓണറേറിയം ആയിരം രൂപയായി വര്ധിപ്പിക്കും. ഇതുവരെയുള്ള കുടിശികയും നല്കും. പ്രീപ്രൈമറി ടീച്ചര്മാരുടെയും ആയമാരുടെയും പ്രതിമാസ വേതനം ആയിരം രൂപ വര്ധിപ്പിച്ചു. ഗസ്റ്റ് ലക്ചര്മാരുടെ പ്രതിമാസ വേതനം പരമാവധി 2000 രൂപ വരെ വര്ധിപ്പിക്കും. റബര് കര്ഷകര്ക്കു നല്കിവരുന്ന റബറിന്റെ താങ്ങുവില കിലോയ്ക്ക് 180 രൂപയില്നിന്ന് 200 രൂപയാക്കി ഉയര്ത്തും. എല്ലാ പ്രഖ്യാപനങ്ങളും നവംബര് 1 മുതല് പ്രാബല്യത്തില് വരും. നെല്ലിന്റെ സംഭരണ വില 28.20ല്നിന്ന് 30 രൂപയായി വര്ധിപ്പിക്കാനും തീരുമാനിച്ചു.
Summary: With the announcement of the local body elections expected next week, the State Government has come out with major declarations. Chief Minister Pinarayi Vijayan announced after the Cabinet meeting that the Social Welfare Pension has been increased from ₹1,600 to ₹2,000. The Chief Minister also stated that one installment of the Dearness Allowance (DA) arrears due to state government employees and pensioners, amounting to 4 percent, will be disbursed along with the November salary.
Thiruvananthapuram [Trivandrum],Thiruvananthapuram,Kerala
October 29, 2025 5:44 PM IST
‘തിരക്കാവുന്നതിന് മുമ്പ്’ എല്ലാവർക്കും വാരിക്കോരി നൽകി സർക്കാർ; ആശമാരുടെ ഓണറേറിയവും ക്ഷേമ പെൻഷനുമടക്കം വൻ വർധന