ശബരിമല സ്വര്ണക്കൊള്ള കേസിൽ മുന് ദേവസ്വം കമ്മീഷണര് എന് വാസു മൂന്നാം പ്രതി| N Vasu Former Devaswom Commissioner Named Third Accused in Sabarimala Gold Theft Case | Kerala
Last Updated:
വാസു രണ്ടു തവണ ദേവസ്വം കമ്മീഷണറും സ്വർണക്കൊള്ള നടന്ന് മാസങ്ങൾക്കു ശേഷം ദേവസ്വം ബോർഡ് പ്രസിഡന്റുമായിരുന്നു
തിരുവനന്തപുരം: ശബരിമലയിലെ കട്ടിളപ്പാളികളിലുള്ള സ്വർണം കവർന്ന കേസിൽ മുൻ ദേവസ്വം കമ്മീഷണർ എൻ വാസു മൂന്നാം പ്രതി. ഉണ്ണിക്കൃഷ്ണന് പോറ്റിയുടെ കസ്റ്റഡി റിപ്പോര്ട്ടിലാണ് വാസുവിനെക്കുറിച്ച് പരാമര്ശം. എൻ വാസുവിനെ പ്രത്യേക അന്വേഷണ സംഘം ചോദ്യം ചെയ്തിരുന്നു. വാസു രണ്ടു തവണ ദേവസ്വം കമ്മീഷണറും സ്വർണക്കൊള്ള നടന്ന് മാസങ്ങൾക്കു ശേഷം ദേവസ്വം ബോർഡ് പ്രസിഡന്റുമായിരുന്നു. സ്വര്ണപ്പാളി ചെമ്പാണെന്ന് രേഖപ്പെടുത്തിയത് വാസുവാണ്.
ദ്വാരപാലക ശിൽപങ്ങളുടെയും ശ്രീകോവിലിന്റെയും മുഖ്യജോലികൾ പൂർത്തിയാക്കിയ ശേഷം സ്വർണം ബാക്കിയുണ്ടെന്നും സഹായം ആവശ്യമുള്ള പെൺകുട്ടിയുടെ വിവാഹാവശ്യത്തിന് ഇത് ഉപയോഗിക്കാൻ ആഗ്രഹിക്കുന്നു എന്നും കേസിലെ ഒന്നാംപ്രതിയായ ഉണ്ണിക്കൃഷ്ണൻ പോറ്റി വാസുവിന് ഇമെയിൽ അയച്ചിരുന്നു. 2019 ഡിസംബർ 9ന് ഉണ്ണിക്കൃഷ്ണൻ പോറ്റിയുടെ ഇമെയിൽ തനിക്കു വന്നിരുന്നു എന്ന് വാസുവും പിന്നീട് സ്ഥിരീകരിച്ചു.
കേസില് രണ്ടാമത്തെ അന്വേഷണ പുരോഗതി റിപ്പോര്ട്ട് പ്രത്യേക സംഘം ബുധനാഴ്ച ഹൈക്കോടതിയില് സമര്പ്പിക്കും. സ്വര്ണം പൊതിഞ്ഞ കട്ടിളപ്പാളി ചെമ്പുപാളിയാണെന്ന് മഹസറില് രേഖപ്പെടുത്തിയത് അന്നത്തെ ദേവസ്വം കമ്മീഷണര് എന് വാസുവിന്റെ ശുപാര്ശയിലാണ് എന്നതടക്കമുള്ള കാര്യങ്ങള് രേഖപ്പെടുത്തിയാകും റിപ്പോര്ട്ട് സമര്പ്പിക്കുക.
Summary: Former Devaswom Commissioner N Vasu is the third accused in the case involving the theft of gold from the door frames (Kattilappalikal) at Sabarimala. Vasu’s name is mentioned in the custody report of Unnikrishnan Potty. The special investigation team had questioned N Vasu. Vasu served as the Devaswom Commissioner twice, and months after the gold robbery took place, he became the President of the Devaswom Board.
Thiruvananthapuram [Trivandrum],Thiruvananthapuram,Kerala
November 05, 2025 7:08 AM IST