SIR | കേരളത്തിനാശ്വാസം; എസ്.ഐ.ആർ. സമയപരിധി നീട്ടി | Election Commission extended SIR deadline in Kerala to December 11 | Kerala

2026ൽ തെരഞ്ഞെടുപ്പ് നടക്കാനിരിക്കുന്ന കേരളം, തമിഴ്‌നാട്, പശ്ചിമ ബംഗാൾ, പുതുച്ചേരി എന്നിവയുൾപ്പെടെ ഒമ്പത് സംസ്ഥാനങ്ങളിലും മൂന്ന് കേന്ദ്രഭരണ പ്രദേശങ്ങളിലും നവംബർ 4 ന് എസ്‌ഐ‌ആറിന്റെ രണ്ടാം ഘട്ടം ആരംഭിച്ചു.

എസ്.ഐ.ആർ. ആദ്യ ഘട്ടത്തിൽ വീടുതോറുമുള്ള എന്യൂമറേഷൻ ഉൾപ്പെടുന്നു. ബി‌എൽ‌ഒമാർ (ബൂത്ത് ലെവൽ ഓഫീസർ) ഓരോ വീടും സന്ദർശിച്ച് ഓരോ വോട്ടർക്കും ഫോമുകൾ കൈമാറുന്നു. തുടർന്ന് പൂരിപ്പിച്ച ഫോമുകൾ ശേഖരിക്കാൻ അവർ രണ്ടാം വട്ടം സന്ദർശനം നടത്തണം. തുടർന്ന് ഓരോ നിയമസഭാ മണ്ഡലത്തിലെയും പട്ടികയുടെ മേൽനോട്ടം വഹിക്കുന്ന ഇലക്ടറൽ രജിസ്ട്രേഷൻ ഓഫീസർക്ക് (ഇആർഒ) സമർപ്പിക്കണം. കേരളത്തെ സംബന്ധിച്ചിടത്തോളം, 2002 ലെ എസ്‌ഐ‌ആർ റോളുകൾ അടിസ്ഥാന രേഖയാണ്. വോട്ടർമാർക്ക് ഓൺലൈനായും ഫോമുകൾ പൂരിപ്പിക്കാം.

ഡിസംബർ 4 നകം വീടുതോറുമുള്ള എന്യൂമറേഷൻ പൂർത്തിയാക്കണം എന്നായിരുന്നു മുൻ നിർദേശം. ഇതാണ് ഡിസംബർ 11ലേക്ക് മാറ്റിയത്. കേരളത്തിൽ 25,149 ബി.എൽ.ഒമാർ എസ്.ഐ.ആർ. ജോലികളിൽ വ്യാപൃതരാണ്.

ഇതിനിടെ ബി.എൽ.ഒമാർ നേരിടുന്ന പ്രശ്നങ്ങളും വാർത്താ പ്രാധാന്യം നേടി. മണിക്കൂറുകൾ നീണ്ട ജോലി, ഭക്ഷണം കഴിക്കാതെയിരിക്കൽ, കർശനമായ സമയപരിധികളുടെ പേരിൽ വർദ്ധിച്ചുവരുന്ന സമ്മർദ്ദം എന്നിവ നേരിടുന്നതായി പല ബി‌എൽ‌ഒമാരും പരാതിപ്പെടുന്നുണ്ട്. പയ്യന്നൂരിൽ ബി.എൽ.ഒ. ജീവനൊടുക്കിയതിനു പിന്നിൽ ജോലിസമ്മർദമെന്നു കുടുംബം ആരോപിച്ചിരുന്നു. മറ്റൊരിടത്ത്, ഫോം വിതരണവുമായി ബന്ധപ്പെട്ട് ബി.എൽ.ഒയെ കയ്യേറ്റം ചെയ്ത സംഭവം ഉണ്ടായി. ക്യൂ നിന്ന സ്ത്രീകൾക്ക് മുന്നിൽ അശ്‌ളീല പ്രദർശനം നടത്തിയ മറ്റൊരു ബി.എൽ.ഒക്കെതിരെ മലപ്പുറത്ത് ഷോക്കോസ് നോട്ടീസ് പുറപ്പെടുവിച്ചിരുന്നു.

Summary: The Election Commission of India has extended the Special Intensive Revision (SIR) of the Voters’ List in 12 states, including Kerala. Earlier, the commission had fixed December 4 as the last date to complete the process. As per the revised schedule, the last date for submission of enumeration forms is December 11. The revised draft list of the voter list will be published on December 16