കണ്ണൂരിൽ ക്ഷേത്രത്തിലെ ഗാ‌നമേളയ്ക്കിടെ ഗണഗീതം പാടിയത് സിപിഎം പ്രവർത്തകർ തടസപ്പെടുത്തി; സംഘർഷം| Tensions Flare in Kannur as CPM Activists Disrupt Ganageetham song Performance at Temple Festival | കേരള വാർത്ത

പരിപാടിക്കിടെ സദസിൽ നിന്നുള്ള ആവശ്യപ്രകാരം ഗായകസംഘം ഗണഗീതം ആലപിക്കുകയായിരുന്നു. എന്നാൽ, രണ്ട് സിപിഎം പ്രവർത്തകർ സ്റ്റേജിൽ കയറി പാട്ട് തടസപ്പെടുത്തി. ക്ഷേത്ര സംഘാടക സമിതിയിൽ ആർഎസ്എസ്, ബിജെപി പ്രവർത്തകർക്ക് മുൻകൈയുള്ളതിനാൽ ഇത് വലിയ പ്രതിഷേധത്തിന് വഴിമാറി. പാട്ട് തടയാൻ ശ്രമിച്ച സിപിഎം പ്രവർത്തകരെ ബിജെപി-ആർഎസ്എസ് പ്രവർത്തകർ മർദിക്കാൻ ശ്രമിച്ചുവെന്ന് ആരോപണം.

സംഭവത്തെ തുടർന്ന് പ്രദേശത്ത് സംഘർഷാവസ്ഥ നിലനിൽക്കുകയാണ്. ഇതിൽ പ്രതിഷേധിച്ച് ഡിവൈഎഫ്‌ഐ ചൊവ്വാഴ്ച വൈകിട്ട് പ്രതിഷേധ സംഗമം സംഘടിപ്പിക്കുമെന്ന് അറിയിച്ചിട്ടുണ്ട്. സംഭവത്തിൽ ഇരുവിഭാഗവും പരാതിയുമായി മുന്നോട്ട് പോകാനാണ് തീരുമാനിച്ചിരിക്കുന്നത്.

നാട്ടുകാർ ഇടപെട്ടാണ് നിലവിൽ രംഗം ശാന്തമാക്കിയത്. കണ്ണൂരിലെ ക്ഷേത്രോത്സവ വേദികളിൽ ഇത്തരം ഗണഗീതങ്ങൾ ആലപിക്കുന്നത് മുൻപും വലിയ രാഷ്ട്രീയ വിവാദങ്ങൾക്കും പ്രതിഷേധങ്ങൾക്കും കാരണമായിട്ടുണ്ട്. സദസിൽ നിന്നുള്ള അഭ്യർത്ഥന മാനിച്ചാണ് ഗാനം ആലപിച്ചതെന്ന് ഗാനമേളാ സംഘം വിശദീകരിച്ചു.

Summary: A clash broke out between CPM and BJP workers during a music concert organized as part of a temple festival in Kannur. The incident occurred during the festival at the Kannadipparamba Sree Muthappan Temple. The dispute began when a singer performed a Ganageetham (songs traditionally sung at Sangh Parivar gatherings) during the concert. CPM activists present at the venue reportedly objected to the performance, leading to a heated argument and subsequent physical alterations between the two groups.