ഹോണർ 100 സീരീസ് ചൈനയിൽ ഉടൻ എത്തും, ആകാംക്ഷയോടെ ആരാധകർ

ഉപഭോക്താക്കൾ ഒന്നടങ്കം ആകാംക്ഷയോടെ കാത്തിരിക്കുന്ന ഹോണറിന്റെ ഏറ്റവും പുതിയ സീരീസ് ചൈനീസ് വിപണിയിൽ അവതരിപ്പിക്കും. ഇത്തവണ ഹോണർ 100 സീരീസാണ് കമ്പനി വിപണിയിൽ എത്തിക്കുന്നത്. നവംബർ 23 ഈ സീരീസ് ചൈനയിൽ ലോഞ്ച് ചെയ്തേക്കുമെന്നാണ് സൂചന. ഹോണർ 100, ഹോണർ 100 പ്രോ എന്നിങ്ങനെ രണ്ട് സ്മാർട്ട്ഫോണുകളാണ് ഈ സീരീസിന് കീഴിൽ പുറത്തിറക്കുന്നത്. അടുത്തിടെ ഹോണർ പുറത്തിറക്കിയ ഹോണർ 90 5ജി സ്മാർട്ട് ഫോണുകൾ വലിയ രീതിയിൽ ജനപ്രീതി നേടിയിരുന്നു.

പുതിയ സീരീസിലെ സ്മാർട്ട്ഫോണുകളുമായി ബന്ധപ്പെട്ട കൂടുതൽ വിവരങ്ങൾ ഇതുവരെ കമ്പനി വെളിപ്പെടുത്തിയിട്ടില്ല. ലഭ്യമായ വിവരങ്ങൾ അനുസരിച്ച്, ഹോണർ 100-ന് കരുത്ത് പകരുന്നത് സ്നാപ്ഡ്രാഗൺ 7 ജെൻ 3 ചിപ്സെറ്റാണ്. 50 മെഗാപിക്സൽ ക്യാമറയാണ് പിന്നിൽ നൽകുക. സെൽഫി ക്യാമറക്കായി പഞ്ച് ഹോൾ ഡിസ്പ്ലേയാണ് ഉൾപ്പെടുത്താൻ സാധ്യത. 5000 എംഎഎച്ചാണ് ബാറ്ററി ലൈഫ്. ഹോണർ 100 സീരീസ് ഇന്ത്യൻ വിപണിയിൽ എപ്പോൾ ലോഞ്ച് ചെയ്യുമെന്നത് സംബന്ധിച്ച വിവരങ്ങളും ഇപ്പോൾ ലഭ്യമല്ല.